2021 April 9, Kachin ramkulh, Phakanh (ဖားကန့်) khuapi luh nak Pan Tin (ပန်းတင်) hlei pawng i thawng a lak lio ah tlaih a tong mi Phakanh hrambunh thawng la tu Ko Naung Yu (ကိုနောင်ရိုး) telh in ramkhel lei cawlcanghnak ruang ah tlaih tong mi minung 12 cu October 3 ah thlah nii caan tlin nak in an thlah hna.
A luan cia September thla chung in October thla 3 tiang ah ni caan tling in an thlah mi hna hi minung 26 an si tiah Tapaih Committee (သပိတ်ကော်မတီ) chungtel nih an chim.
Atu an thlah mi hna hi zulhphung no.505(kahgyi) in kum khat le thla nga thong tla mi an si.Lung Khin (လုံးခင်း) khuate komh Ma Suat Yian ( မဇွပ်ယာန်) thonginn in caan tling luat nak in an thlah hna tiah Tapaih Committee (သပိတ်ကော်မတီ) chungtel pakhat nih RFA ah a chim.
A ra lai mi caan zong ah ni caan tling in an thlah ding mi hna zong an um rih tiah a chim. Crd-LCBN: October 4, 2022
Yangon khualai PK zung pawngah bom an hmuh i SAC nih an puah.Yangon khualai Pan Soe Taan (ပန်းဆိုးတန်း) le Bandulah (ဗန္ဓုလ) lam pi kil ah ummi PK zung pawng , October 4 chun hnu sml.2 hrawng ah bom an hmuh i sml.2:25 hrawng ah SAC nih lam an phih i an puah. An puah hnu ah lam cheukhat cu an awn than kong Yangon khuami sin in theih a si.
” Anmah nih an tuah cawp mi a lo. Hmai suang kal an duh lo caah an tuah chawm mi maw a si hnga theih a si lo. Hriamnam tling, bom kham nak thuam tling he ralkap pawl nih bom cu an puah” tiah Yangon khuami pakhat nih a chim.Crd-LCBN: October 4, 2022
Leave a Reply