Peter pa,Nangmah ko ngai thla sin na liam ruangmang fah cu!

Thla sin na liam fah cu CP Lian C
Peter pa,Nangmah ko ngai thla sin na liam ruangmang fah cu!
Na tlei thawng nih zuun cuai in khuaza hnin chialmal ai cu ka thin.

Na dam lai tiah ruahchannak he thlaza kan cam. A ṭha bik in an in thlop cuahmah ko nain mu. Miphun thisa ah i phum in phun kilh suttung ko ngai lungrawn khirh hlan pialral lam na panh cu lungfah a zual tuk ee. Rian lian in rianhme tiang ah a reprai i a zungkem mi nih na kan tlei tak cu miphun huap in siseh, Thantlang khuapi le na Khrihfabu, na semnak khua le sangzawl caah tuar thiam a har ko. Nun him ruah ah ralzam lamhrawn nun temtuar lio i hiti na liam cu a khaa hlei tuk ai. Tlei tuan na fapa dawt Andru he nan i tong cang lai mu.

Lai nisung le nizarh caan ah na aanka a bau riangmang cang lai. Buar a kai cang ding na nehnang le sulhnu ah na nun tuanbia bel a hmun lan cang lai. Na chan a tawi nain nun man ngei pasal na si.

Vawlei nunnak ngai hi mu.
Chikkhat te lawng kan lenṭinak a si ai fam.Na rianh mi na Bawipa ṭangnem ah rak i din chung ko ne law!2023 January 31, Cawnnihnih .Crd.Lian Chawn

Nan Share kho cio lai maw?Silent Strike Thaizing Feb 1/2023 hi ralhrang nih uknak a fir kumhnih tlin Ni a si caah Dawr a ong nih daite in ong ziar ulaw khuate vialte nih Khuapi,Hakha ah hohmanh tlawn le luh lo ding a si.

Chawdawr on ka timi ah,On lo ttha bik nain khuachia tinzun le uihrut nih zei khua tuak hna hlah kaw,mah caah a ong nan um hmanh sile bi te in le daite in ong uh ka tinak si.Chawdawr on lo ruangah naite ah thlaih le thongthlak nan um caah a nemnak in ka chim mi si.

Hakha mipi hohmanh lengchuak loin dai tein nan Inn chung cio ah nan um a herh,a ruang cu ralhrang uknak duh lo poh nih mahhi tuah herhmi a si.,

Zeruang ah mahhi tuah aherh ti ahcun,ralhrang nih uknak duh ruangah kan mino le kan ralkap tamtuk a thah hna,.sualnak ngei lo thong an thlak hna pinah kan Inn le Lo tiang an kan khangh piak dih tu hna duh lonak  (Silent Strike) langhter cio ding kha ralhrang duhlo tu hna rian a si.

Nawlngaih hi Pathian duhmi a si i, Nawlngaih duh lo cu,khuachia le ralhrang duhmi a si ve caah nang khuachia ralhrang duhmi maw na thim lai Pathian duhmi thil dah na thim lai?Salai William HC