PDF Tiah Zumhmi Minung 5 Hna Cu SAC Ralhrang Hna Nih An Tlaih Hna

PDF Tiah Zumhmi Minung 5 Hna Cu SAC Ralhrang Hna Nih An Tlaih Hna

Shan state Tachileik khua ah Nohawng 13 zanlei suimilam 3:00 hrawng ah PDF tiah zumhmi minung 5 cu SAC ralhrang hna nih an tlaih hna tiah theih a si.

Ralhrang hna nih cun atu an tlaihmi hna minung 5 hna hi mipi nih (dalan) an kan chimh ruang ah kan tlaih khawhmi hna a si tiah an chim.

Atu an tlaihmi hna hi Tachileik khua Wankaungng sang ah an tlaihmi hna an si tiah theih a si.
crd- Chindwin news agency

SAC Nih Martial Law An Chuah Hnu In Khin U Peng Khuate 7 Nak Tlawm Lo An Khangh.Sagaing ramṭhen, Khin U peng ah SAC nih Martial Law an chuah hnu ni 9 chung ah khuate 7 nak tlawm lo an khangh cang, tiah theih a si.

February ni 2 ah SAC nih peng 37 ah Martial Law an chuah hnu in Khin U peng ah nifatin in rallam an sial i Tenatsein le Sawkyi khua cu an khangh caah khuami a thong leng ralhrial in an zaam, tiah theih a si.

Ralhrial in a zaammi hna chung ah naupawi lio nu hna zong an i tel. Caan karlak an i dor chungnak thlam hna zong SAC ralkap nih an khanghpiak dih hna. Umnak, eidin le hnipuan zong an herh tuk, tiah Khin U peng thawngpang fianternak phu nih an chim.

February ni 13 zong ah Minkankyi, Letpanhla le Laungshi khua zong an khangh. Pawngkam ummi khuate 5 in khuami hna cu ralhrial in an zaam dih hna, tiah theih a si.

SAC ralkap cu Khin U peng ah rallam an sial lengmang caah Myaung peng, Mayukone le Kyikone khuami zong a himnak hmun ah an zaam, tiah theih a si.