Sagaing ramtthen Kany peng ah ralhrang thilri a chantu Lawng cu PDF fonh nih an rak kah caah ralhrang 20 an thi. Lawng pakhat an lak khawh tiah KLG PDF nih an langhter.
Aliamcia January 31 ni ah khan Kany peng Tapyidaw khua hrawngah a hnok ngai mi ralhrang lawng cu PDF fonh nih an rak kah.
Lawng nih a phurh mi riahcaw, le hriamnam zei maw zat zong an lak khawh tiah an langhter. the chin dairy
Aunglan Peng Ah Rallam A Sialmi SAC Ralkap 4 PDF Nih An Thah Hna.Magway ramṭhen, Aunglan peng Kyuaihkawng(ကျွဲခေါင်း) khua nitlaklei ah SAC ralkap le pyusawhti cu kah an ton caah ralkap 4 an thi, ralbawi pakhat telh in 3 hliamhma fak ngai an pu, tiah Aunglan PDF in ṭuanvo ngeitu nih a chim.
February ni 8 chun suimilam 12:45 PM hrawng ah Shwepantaw khua ah umhmun khuarmi SAC ralkap le pyusawhti 15 cu, leilawng 1 le motorcycle 3 in an kal lioah Aunglan PDF nih an kah hna caah ralkap 4 an thi, tiah theih a si.
Cu kahdohnak ah Aunglan PDF le Tayet pengkomh PDF Battalion 1 hna i bawm in an kah hna, tiah theih a si.
Cu pin ah Bago ramṭhen, Nyaunglaypin peng Yangon- Mandalay lam hlun, SAC ralkap nih an hman ngaimi hlei pakhat cu bomb in kan puahhnawh, tiah Bago Region PDF in ṭuanvo ngeitu nih a chim.
February ni 9 zanlei suimilam 2:47PM ah SAC ralkap nih, riahcaw phurhnak ah an hman tawnmi pe 60 a saumi hlei pakhat cu bomb in an puah caah a rawk dih, tiah theih a si.
Cu hlei bomb puahhnawhnak ah Nyaunglaypin PDF le Kyauktahka PDF hna i bawm in an puah, tiah theih a si.The Chin Post
Leave a Reply