Pauk peng ah Captain pakhat tel in ralhraang 7 cu kutser meithal zun hnih in PDF panga nih an tlaih hna

April 9, 2022 Magwe ramthen, Pauk peng ah Captain pakhat tel in council ralhraang 7 cu kut ser meithal zun hnih in PDF 5 nih an tlaih hna, an zaam ca ah an kah hna i an thi tiah Pauk PDF nih an thanh.

April 6 zaanlei suimilaam 2:00 hrawng ah Justice Ranger phu in minung panga nih kutser meithal zun hnih in, ke kul le ke hnih motor he council ralhraang 7 cu an tlaih hna i MA3 meithal zun 7, 5.56 MM kuan 700 hrawng le Phone 10 kan lak tiah an thanh.

An tlaih mi motor 3 chung ah Aluminum Round Comps a phur mi pakhat le Ferrous (motar shell) phur mi motor pakhat cu Pauk peng he aa hlatnak hmun a himnak hmun ah tangti phukomh hna bawmhnak in an khangh tiah kan theih.

Ferrous (Scap & cutting) a phur mi pakhat cu Pauk-Seihphyu lam kam ah a ke kuai ca ah pawngkam hmunhma ah kan chiah i April 7 zinglei ah council ralhraang nih an hmuh ca ah ကပဆ ၂၂ Shwebo Kyun ah an kalpi tiah kan theih.

Tlaih mi council ralhraang 7 hna cu sakhaan ah thong an thlak hna lio, kahdohnak um lio ah an zaam ca ah an kah hna i an thi tiah kan theih.The Hakha Post Source: Khit Thit Media

Be the first to comment

Leave a Reply

Your email address will not be published.


*