Chin Ralkap Nih Thantlang Khuachung Palik Sakhan An Lak
Chin ramkulh, Thantlang khua chung um SAC kuttang palik sakhan pakhat cu Chin ralkap nih an lak khawh, tiah theih a si.
February 8 zan, 10:00pm hrawng ah Thantlang um palik sakhan cu Chin ralkap CNA le CDF nih an luhhnawh I zinglei 1:00am ah an lak khawh.
Thantlang um palik sakhan cu Chin ralkap nih an lak pinah meithal zun 40 leng, miakpi, bomb kuan tam ngai le drone kahnak hna zong Chin ralkap nih an lak, tiah theih a si.
Tutan palik sakhan laknak ah CNA lei in pakhat a nunnak a liam i pakhat hliam a tuar!
“Muika in cunglei in kan kah cang i tanglei in kan luhhnawh cu 10:00pm hrawngah a si! Kan lak khawh lecangka in vanlawng in voi hnih an kan kah cang! Sakhan cu kan khangh viar ko” tiah CDF hruaitu pakhat nih The Chin Post ah a chim!The Chin Post
Dawtnak Le Zawnruahnak H.H. Lee nih tlanglawng dinhnak kam i a um mi lungmeihol company inn kulhnak a sang ngaimi cung I mipa pakhat kong a chimmi a um. Lee cu tlanglawng aa cit tawnmi a si cu tlanglawng cu Company inn pawng aa dinh caan ah mipa nih lungmeihol kha dumhruang leng i tlanglawng lam ah a hun hlawnh tawn kha a hmuh, mah mipa hi Khrihfa a si. Nikhat cu mah mipa kha zeiruangah dah lungmeihol hi tlawnglawng lam ah narak hlawnh tawn, tiah ka hal. Zawnruahnak aw he mipa nih a hun chim mi cu, “Mah lam ral ahkhin a sifak mi tarnu a um, a pensen nih lungmeihol a caw kho lo ti ka hngalh. Tlanglawng a kal caan paoh ah lungmeihol hi a rak chertawn, a nih nih cun tlanglawng (engine) in a rak tla mi a si tiah a ruah. A mit a ṭha tuk ti lo, cun tlanglawng mawnghnak ah diesel an hman cang ti a hngal lo, a ti. Tarnu hi a lungṭhat lo ding ka duh lo, cucaah dum kulhnak lengah lungmeihol tete hi ka hlawmhpiak tawnnak a si, a ti. Cucu Khrihfa tuahsernak cu a si ko! Crd: Roy B. Zuck: The Speaker’s Qoute Book.
Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u. Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.(Rom 12:9-10)Mah Azi
Leave a Reply