Trinity maw Oneness. Khamhnak a tlau maw tlau lo.Adam sualnak kan i hrawm maw hrawm lo
A cunglei thil pathum kong zumhning hi Pathian rianah chiah top ding a si ko lo maw zei? Pathian rian zong a si khe tak ko lo hme maw? Thumkomh Pathian a si zongah amah nawl, pakhat lawng a si zongah amah nawl. Khamhnak a sertu pa nih tlau khawh lo lakin a ser le amah nawl, thlau khawh dingin a ser le amah nawl a si ko cu ta. Pathian sermi thil kongah minung nih nawl va ngeih len cu a ṭha ko maw?
Nain, minung rian zong a si ve ko kan ti lehlam ahcun i el(al) lo awk kan ṭha ti lo. Buu hmanh i ṭhen phah khawh a si. A fiang ngaingaimi pakhat belte cu, zeitluk hmanh i el(al) hna sehlaw ‘’aphi’’ an chuah kho lai lo ding cu a fiang ko. Aho tei khawh dingmi phun a si lo zia zong a fiang ngai fawn ko.
Zeicatiah, keimah ka ngakchiat lio tein an rak i el(al) tuk cangmi a si i, atu tiang ‘’aphi’’ an chuah kho hlei lo. A tawinak in cun‘’aphi’’ a um lomi a si. Aphi a um lomi tuchan tiang i el lengmang cu Kawlram cozah sermi remdaihnak he aa lo ko. Ahohmanh kha thlarau nih a fianter bal hna lai lo caah anmah MAL te hmanh an i fawih deuh men lai..
Acu chinchap ah, Min Aung Hlaing le Zaw Me Lung chan lio ngelcel ah mah kong hna Facebook ah ṭial lengmang hi mi vialte lo an kal dih lioah mah pi lawng inn um he aa lo fawn. Mah pi lawng innah a ummi hna kha ‘’na dam lo maw’’ an rak ti tawn hna.
Laimi hi kan kaa in kan rak i cawnpiaknak a chan a sau tuk cang i, kan nun in i cawnpiak cang hna usih law, kan chan tiluanning he aa kaih deuh men cang lai. An cawnpiakmi kanmah pawl zong kan fit deuh fawn hnga.Crd-Perhkalh Thawng
Leave a Reply