Biakam hlun kan zoh tikah Genesis 2:3 i ni sarihnak ni khi Sunday ni si loin Sabbath ni a si (Exo 20: 8). Hi ni sarihnak “Dinh Ni” hi zeitik hmanh ah Yahweh nih hrawh le thlen a tim lo.
Sabbath timi biafang cu biakam hlun le biakam thar ah voi tampi kan hmuh. Asinain, Sunday biafang cu a deh pakhat te zong a um lo.
Bible ah ni sarihnak “Nizarh” timi biafang hi voi 8 kan hmuh, cucu Sabbath ni a si (Exo 16:23, 31:14/15, 35:2, 2Chan 2:4, Neh 10:31, Isaiah 58:13 ah voihnih). Asinain, Sunday asiloah zarhkhat chung ni hmasa bik ni hi nizarh tiah bible ah a deh pakhat te zong aa tial ve lo.
Yahweh nih a mi Israel le Amah karlak “Hmelchunhnak” caah Sabbath a pek hna (Ezk 20:13-13/20). Asinain, hmelchunhnak caah Sunday a pek hna timi a deh pakhat te zong aa tial lo.
Yahweh nih Sabbath ni hman man laksawng a kamh hna (Isaiah 58:13-14). Asinian, Sunday ni hman man laksawng a kamhnak hna a deh pakhat te zong aa tial ve lo.
Pathian fapa Yahshua nih nizarh caah Sabbath ni a hman (Mk 1:21; 3:1-5; 6:2, Lk 4:16; 6:6-10; 13:10-13; 14:1-6, Jhn 5:8-10; 9:14). Asinain, nizarh caah Sunday ni a hmang lo.
Yahshua nih “Sabbath cu minung caah ser a si” a ti (Mk 2:27). Asinain, Sunday cu minung caah ser a si a ti bal lo.
Yahshua nih Sabbath bawi ka si a ti (Mk 2:28). Asinain, Sunday bawi ka si a ti bal ve lo.
Bible cu cahlun le cathar aa kawp zungzal. Bible ah Sunday ni asiloah Thawhthan ni/Pentekos ni hi nizarh ah hman te ding in a deh pakhat te zong aa tial lo caah kawp/kep a ngei lo.
Exodus 20 le Deutronomi 5 ah aa tialmi Yahweh NAWLBIA 10 hi Moral Law a si caah zungzal ca nawlpek a si. Biakam kuang chung i chiahmi NAWLBIA a si caah zumtu thinlung le ruahnak chung ah Yahweh nih a khumh dingmi le a tial dingmi NAWLBIA a si (Ezk 36:25-27, Heb 8:10; 10:16).
Yahweh nih a bia pemh khawhnak thluachuah in pe cio ko hna seh!September 22, 2022.Crd-Tawk Tling
Leave a Reply