Pathian kan bochan, Amah thawngin kan ram nih luatnak a hmuh lai,” ti lawngin aza lo.
2 Chanrelnak 7:14 – ah ati mi cu:
“Ka min in kawhmi ka mi hna nih khan an lung an thumh i thla an cam i ka hmai kha an kawl i an lam thalo khan an i mer ahun, van khin ka run theih lai i an sualnak cu ka ngaihthiam hna lai i an ram cu ka damter lai,” ati.
Hawidawt hna kan ram caah lung sau tein thla cam rih ko hna usih. Thla kan camtik ah Bawipa sinah sual ngaihchih buin thlacam hna usih. Minung pakhat lawng aza lo. Kan zapi in, kan miphun luatnak ding caah sual ngaichih buin thla kan cam ahau. Tilo cun, Bawipa nih kan thlacamnak angai lai lo.
Chinmi nih kan ton mi hi, zeidang vialte nakin, daantatnak kan ton zong asi. Kan miphun nih Bawipa kan philh sual. Kan minung sinak le thilti khawhnak kan i zumh sual. Miphun sinak akan petu Bawipa kan philh. Mino nih kan biaknak, zumhnak zong kan philh, kan kaltaak. Bawipa angeih kan chiater.
Mah caah kan thinlung tlaangsaang pi kha i tthumtthan hna usih. Kan sual i ngaichih hna usih, Bawipa sinah autthan hna usih. Abia alet bal lomi Bawipa nih, van in kan aunak akan theih lai i rau lo te ah akan ngaihthiam ko lai. Amen… Bawipa nih in umpi ko hna seh .Crd.Van Hlei Sung
Leave a Reply