Nupi nih a phohpian takmi Laipa 99% cu nupi cung ah dawtnak a langhter duh bal lomi an si

Chan tiluan a dawi kholo Laipa sin V Day biacah, Na darling or na nupi kha ‘ka lungthin in ka dawt a za ko’ tiin pangpar tom pek bal ve loin um bak ti hlah. ‘Pangpar tham cu ei awk zong tha lo, phaisa pam men’ ti bak ti hlah, voksa puai zakhat nakin pangpar voikhat na pekmi nih a lungthin a lawmhter deuh lai. Nifatin pek awk cu a fawi ve lo i V Day tal ah cun pangpar le laksawng pakhat khat he na dawtnak langhter kha philh bak hlah mu. I nautat bak hlah law.

Nupi nih a phohpian takmi Laipa 99% cu nupi cung ah dawtnak a langhter duh bal lomi an si, nupi kha pangpar tom a pe bal lomi an si hna.Crd. Salai Lungthli Tum

Shwebo Ah Minung Thonghra Hrawng Ralhrial Dirhmun An Phan SAC ralkap nih Shwebo peng ah rallam an sial caah mah umnak hmun kaltak in ralhrial dirhmun a phanmi thonghra hrawng an si, eiding le an herhhai ah bawmhchanh an herh tiah tualchung mi hna nih an chim.

Nyaungkan khua le Kya khua cu February ni 11 le 12 ah SAC ralkap nih rallam sial in an luhnawh leng ah khuachung inn tam tuk an khanghpiak hna caah an tlizaam hna, an pawngkam ummi khua hna zong ral an hrial tiah theih a si.

SAC ralkap ṭih ruang a zaammi hna chung ah kum 80 leng upa zong an i tel i thla hnih tluk ngakchia nausem zong an i tel tiah tualchung mi hna nih an chim.

UNOCHA nih February ni 2 ah a langhter ning ah cun SAC nih hramhram uknak a laak hnu Sagaing ramṭhen chung ah ralhrial dirhmun a phanmi singruk leng an si tiah a langhter. RFA