NUG nih 1982 Rammi Sinak Upadi Tu Hrawk Mai Ding Siko.

Ralhrang MAH nih Kawlrammi Sinak in a hnawn cang mi hi (33) an si cang. Jesuh le Bochuk Aungsan Kum nambar asi. Nambar (3) phir cu PATHIAN nambar Trinity asawh nain, (3+3 =6) cu Satan nambar asi. Thilṭha le thilchia aacawh tinak asiko. Minung (16) cu 2022 March thawk ah Kawlram mi cazin in phiat an si. 20222 April 1 ah, Fidi le fitlaw telin minung (17) cu Kawlram minung nan si ti lo tiah SAC nih cazin hnawn ansi. April fool bak ah an thanh ko.

Hikong ah NUG nih dai tein a um awk asilo. Anmah SAC nakin cianh (hrang) deuh ding asiko. 1982 Rammi sinak upadi tu kha hrawk mai ding. Asilo ahcun chan he aatlak ning in le Nuhrin covo he aatlak ningin, athar in ṭial ṭhan ding tiah NUG nih thanh mai ding asiko. MAH le SAC an lam pit chinseh tiah tuah mai ding asiko.

Kaawlram mi sinak in hlawt mi hna cu: U Kyaw Moe Tun (UN Palai), U Kyaw Swa Min (UK Palai), USA Washington Kawlram Embassy ah CDM tuahtu U Mg Mg Lat, U Kyaw Swa Tun, Daw Thet Myat Yesan, Daw Cu Cu Min, Daw Su Su Aung; Los Angelis ah SAC zung ah CDM tuahtu Daw Myat Thwe Aung, Daw Myat Myat Kyi, U Aung Kyaw Naing; Daw Yamin Yu (UK Embassy); Fidi ah Dong, Han Thulwin, May Oo, Han Lin le Catial thiam le Cawnpiak tu Say Nyi Nyi.

MAH Rallokap hi a zeilei kap in an sungh cang caah an sivang in an tuah mi asi. Legitimacy timi cozah si I zuam nak le international level ah mipi nih kan tei cikcek hna timi hmuhsaknak asi. ICJ ah Upadi in SAC cu NUG nih a tei lo nain, adang Upadi Dohthlennak ah NUG nih a tei tuk caah, Rammi sinak in minung (33) an hlawt hna hi asi.

USA President Joe Biden nih MAH le SAC cu Genocide an si bak ko tiah afekter, Vawleipi Genocide nawlbuar nak ah nambar 8nk asi ve cang. USA congress nih Kawlram Genocide sinak tehte cu Burma Acts ah an khum chih cang. Kawlram mipi chanchuah nak caah USA nih Dollar 136 a bawmh lai tiah senthuh le thanh asi ri in, MAH nih aa chanh ve nak asiko. Ukraine ram cu American nih 800 million a bawmh ve lai.

Australia nih Rallokap le Police cu visa pek an si lai tiah thawng an thanh. Rallokap le Police CDMers an karh ngai ngai. 20% hrawng an si lai tiah Dr. Mimi Winbard nih ati. Rallokap chung ah I pumkhat nak aum ti lo. I lungkhatnak zong zero asi. CDF / PDF nih kan thah deuh hna. Cucaah MAH nih a thluak a chuak I Ralhrang an si caah tiphun in minung 33 cu rammi sinak a chut hna. CNF nih refugees hi nawl onh sisehlaw, Rallokap a chuak tak mi an tam chin men lai.

ICJ biaceihzung ah Kawlram le MAH an sungh mi nih hi thil hi a tuah ter ve. Kawlram cu Genocide nawlbuar mi 8nk ah an chiah bak cang. WWII dih ka ah American hi Genocide ah an laar ngai ve. Nain American cu sual thupha acuai caah an ngai thiam. Zetikhmanh ah Genocide asi bal ve ti lo. Kawlram Genocide asi tiah ICJ nih bia a chah bak in Genocide tiah a thanh hmasa bik le Upadi in a tuah hmasat mi ram asi. Genocide a hmual a fak ning kha a intuar bal mi American an si. Mipi chanchuak awk ah Dollar 136 million zong an kan bawmh rih. Tuluk Pipeline kan puak tikah, Tuluk raldohnak ah aatel ve sual ahcun, Bawmh ding in ready le standby asimi American asi.

MAH nih biachimh aapalh mi aum. NUG le PDF cu Ralhrang ansi caah an cihmih an si lai tiah ati caah International Legitimacy ah nawl a buar colh ve. ASEAN mumal le NCA zong a buar dih. PEACE TALK tuahnak caah asi khawh tilo. PEACE caah lam siam lo cu, aho caa hmanh ah a tha lo. Aho phu hmanh nih tuah awk asilo. Zulh awk asilo. UN le international ah anmah lawng in an si zungzal cang. ASEAN biakamnak zulh aa timh tilo khi asi cang. Kawlram UN Special Envoy Nolen Heyzalin zong ASEAN a tawn hna. Singapore PM le Joe Biden nih kawrlam hremh ding ah an ceih ṭhan. Cucaah I chanchuah nak le I muikhumh nak ah tiah minung (33) cu kawrlam mi sinak a chut colh ve hna.

NUG cu thlitu lak cozah tiah a nek dawm nain, MAH nih a tei hrim hrim hna lo timi hmuhsaknak zong asi. Tehte khan tu asi. MAH nih NUG cu a teinak aum lo. Asung cikcek ko. Hriamnam le Ralhrang sining lawng in NUG cu atei tinak asi.

Mipi nih telhpi lomi cozah le Dohthlennak cu an sungg lengmang timi hmuhsak nak zong asi. Mipi thazang a ṭhawn zia le a theihpar kha NUG nih an tep bak cang tinak asi. Tlangcung mi nih kum (70) leng Dohthlennak kan hlawk atlin lomi cu: Mipi nih za ah za kan telhpi hna lo caah asi ti hmuhsak sihramseh.

CDFs le PDF nih Mipi lung kan dong ter ahcun, TEINAK hmuh khawh asilo ti zong theih chih awk asi lai. Mipi nih Rallokap zong tih, CDFs tih timi dirhmun in kan I hlihphuah nak si hram veseh.

GZ Ralkapbu nih Hriamnam an I ngeih ve I, NUG nih Upa le kusale an I thlen khawh Ni cu TEINAK mangtara kan hmuh NI asi ve lai. ZION pennak a ra tuan ve lai.Credit-Zingtincuai Cinzah

Be the first to comment

Leave a Reply

Your email address will not be published.


*