Nizannai zongah Timit hlei an donh khawh an ti. Cuhraw cu chuak hlah seh.

Phungthluk ah surcheh thiamlo mah lukhuh an timi kha silo hram usih.

Ralkap phunglephai ahcun, an cunglei le an pu le nih an timi poh tuah le ti asi. Na duh zongah cepa na duhlo zongah cepa timi kha asi. Nihin ah hin va ti lengmang va dawi lengmang khi an tilo I si ka rak ti lengmang mi kha cheukhat nihcun an fiang pah ko lai. An van ti taktak lo caah asi ka rak ti ttheu.

Nizannai zongah Timit hlei an donh khawh an ti. Cuhraw cu chuak hlah seh. Thantlang khaw pili khi Ralkap Sakan ah a chuak thai lai ti ka phang taktak.

Amah belte Kawl Ralkap bak i duhpoh I van tlawnlen hnawh I van um hnawh cu, hriamnam he um ve i mipi caah I pek i ramtang um hnu ahcun daizirziar tein um awk cu a ttha bak loh.aa thei cia ko.

Min Aung Hlan thinlung belte kan zoh tikah, Kum 3 kan uk lai, tiah Ralkap nii an tuahnak (Sian-ram) I achim ning khan kal dawh asi. A uk tengteng lai a fiang cia.

Mi thachiatnak si hlahseh, A tei ngai cun kan tei in Kawlram cu kan uk hnga maw, timi cu ruah phu ngai asi. Van zoh tikah Kawl miphun tamnak le umnak an Kawlngian an chuah ciammam i Chin mipi cawl ning hmenh in an cawl lo. Thlancung miphun pawl sile mahle canglai khirh cio in an um fawn hna.

Zeitin van tiawk nih a ttha ti ttung lo tikah a dongh tiang tucu, lungfong bak loin kan ti lawlaw a hau ko lai.

Cun, pakhat te, ksn I ralrin chap a hau fawn rih lai. Vailam tlang le Bualpeng kalnak Thlantlang khawtaw chiah, cun Zahnak tlang le Khuahrintlang kalnak Thantlang khawtaw hlei chiah a hau ko lai.Culo ahcun, Khawte lei hna a ngam lailo.

Tuan ah kan au pah lengmang nain mihrut ti kan si i nihin ahcun a fiang pah cang lai.Dalaan kan si hrimhrim lo. Mipi tthatnak le himnak caah a au mi kan si.Kawlram khawlian pi pi khi zoh usih.Kanmah le kanmah sifah kan ipe lai hih Nepidaw, Yangon le Mandalay lei khiti bantuk luklak an si ahcun, sullam a nei lailo kan tipeng mi kha.

Zeiti awk ttha, Laimi Pathian nih hna-ngam tele nuam tein hmunkhat Ramkhat ah an kan khumh tthan caan phan te ko seh. thlacam ko ne hna usih.Crd-Liante Lai

Misual Sin In Cawn Awk!Luka 23:34 Cun ‘Luruh’ an ti mi hmun kha an phak tik ah Jesuh cu vailam ah an khenh chih i misual pahnih hna zong kha a orhlei ah pakhat a kehlei ah pakhat an khenh chih ve hna.

Jesuh vailam an tahnak hmun hi Baibal chungah Luruh an timi hmun ti ah a ttial. Kalvary tlang ahhin hi pe 1081, Meters 329 a sangmi tlang a si. Hi tlang cung ah hin tlangbo te te min dang in an kawhmi hna a um. Luruh hmun timi zong hi Kalvary tlang thluan cung ah a ummi hmun a si. Jesuh Vailam an tah nak hmun a si.

Luruh hmun hi Jerusalem in a hlatpi ah a si lo. Johan nih cun Jesuh vailam an tahnak hmun cu khuapi khan a hlat lo caah Judah mitampi nih an rel (19:20). Jesuh vailam cung ah an tarmi ca ‘Nazareth Khua mi Jesuh Judah Siangpahrang’ ti a si. Hebrew cattialtu nih cun Jerusalem hauleng ah a ti (13:12). Jesuh Vailam an tahnak hmun cu mizapi nih hmuh khawhnak ding ah a si. Midang nih ttih hna seh ti an duhmi zong a si. Sual an phawtnak kong zong ttial chihmi a si. Pilate caah cun “Jesuh hi ralsertu a si” ti a si.

Misual pahnih hna zong a orh lei le a kehlei ah an khenh chih hna. Baibal cachung ah cun ttialmi a um lo nain Baibal leng ah a ummi Nikodemus nih a ttial an ti mi ca tial ahcun Gestas le Dismas (Tita le Dumak) an si ti in a um . Kan hngakchiat lio tein an kan chimh tawnmi a si. Zeidah an sualmi a si ti zong hi an ttialmi a um. Dismas hi misual Jesuh he Paradis ah a din ding in kamhmi kha a si.

Jesuh he vailam an tah tti mi hna an sualmi hi zeidah a si ti a fiang lo. Mifir: Mt 27:38; Mk.15:27; Misual: Lk. 23:33 ; Midang pahnih: Jn.19:18 ti sawh sawh a si. Rom mi hna nih hin Vailam tah hi fir zong, Damiah zong, Ral thomi zong an rak thah lengmang ko hna.

Jesuh he an thahmi hna an sualmi fiang hmanh hlah sehlaw Dismas nih a chimmi ah hin thihtlak sualnak an tuah ko ti a lang (Luka 23:40-41). Pathian na ttih lomaw, Kannih ca i biakhiahnak an tuahmi hi a hmanmi a si. Anih hi cu tthatlonak zeihmanh a tuah lo, tiah a ti.

Jesuh he vailam an tahmi hna sin hin kan ral rin ding le kan cawnding a um ve ko. Thih cuahmah bu zong ah Pathian ttihlo in mah tthatnak a hmuh pengmi Gestas nun hi duhnung lo ngai a si. Kan tonmi harnak le sining hi kanmah nih kan tuahmi ruang ah a si ko, tiin cohlan khawh le ngaihthiam hal hi duhnung ngaimi a si ve.Bil Hmung

Be the first to comment

Leave a Reply

Your email address will not be published.


*