Nizan Timit kuang kahdohnak ah SAC ralkap 10 hrawng an thi i, CDF-Hakha in chungtel pakhat a nunnak a liam ve,

Nizan August 25 Timit Kuang Kahdohnak Ah SAC ralkap 10 Hrawng An Thi

Nizan Timit kuang kahdohnak ah SAC ralkap 10 hrawng an thi i, CDF-Hakha in chungtel pakhat a nunnak a liam ve, tiah CDF chungtel hna sinin theih a si.

“Timit in kehlei kam a sancemnak tlang ah ralhrang an rak kai i 11:00am in kahdohnak ai thawk. Chum a zaam tuk ruangah ralhrang pawl hmuh khawh an si bak lo.

“11:10am hrawngah ralhrang lei RPG kuan cu kan hawile umnak bak ah a tla i, Hakha in kan hawipa pakhat a nunnak liam. 1:30pm tiang ah kahdohnak a dih rih lo.

“Ralhrang pawl nih tlang a sancemnak hmuhma an kan chuh khawh! Ralhrang lei hriamnam i in awk a that ti lo ruangah kan hawile hnu ah an pil. Ralhrang lei in 10 cung cu an thih lai zumh a si. CDF-Hakha in pakhat a nunnak liam i pahnih hliamhma an pu,” CDF-Thantlang chungtel pakhat nih a kan thanh.The Chin Post

Kan Lau te lai..Nai bik World heavyweight Boxing champion taisawm an i cuh lio ah, a sungmi Anthony Joshua nih teinak thawng an hun thanh sin bak ah a teitu pa Usyk cu “ziah, nangmah a tthawng lomi pa nihhin zeitindah na ka tei khawh?” tiah a hal..

A mak ngai, nitin zumtu kan nunnak ah a kan tei tawntu sualnak le thil ttha lo hi zei huaha ah kan rel tuk lomi thil hme tete khi an si tawn…

Kan nun ah Khrih muisam lang kho loin tuahtu ding sualnak cu nganpi pi – nupa sualnak hna, zuu din hna, mi vuak, fir le lainawn hna khi an si rua lai tiah kan ruah tawn.

Nain an rak si lem lo cuh..Thil hmesem tuk ah kan ruahmi – thintawi, phunzai, ingaichiat, midang rem lo, mi chiatnak kong vahpi, kuakzuk, sadah hmuan, kuva ei, tha thut ti luklak tete nih dawh Khrih mui cuang kho loin a kan tuah deuh tawn cuh..

Khrih Ni ah, laksawng tam ngai co ding aa ruat ttung nain hi thil hme tete nih an hngalh loin a hrawh ziar mi pawl cu kan ruahning laksawng kan hmu te lai lo.

Cu tikah “ziah, zeihmanh ah ka rak rel lomi kha bang thil hmesem tete ruang ah khan maw ka sungh?” tiah Jesuh kan hal len te lai.

Cu tikah Jesuh nih “si ee aw, sualnak nganpi pi cu zumtu nan dihlak ti awk nawn nih nan hrial khawh dih cio ko. Hi bantuk thil hme tete ah a nun aa ralring khomi bel hi tlawmte lawng an si. Cu hna cu keimah Muisam kengtu an si caah laksawng ka pek hna ee” a ti te lai.

Cu ahcun kan Lau te lai..Cucaah Kan nun ah Khrih mui chiattertu sual hmesem tete i ralring hna usih..Crd-Hram Bik Lian