Nihin Chin miphun zong kan Miphun nih ‘mahte khuakhan lairelnak’ kan hmuh khawh nakding caah ral kan thawh cuahmah lio a si.

Ral a do/tho mi Miphun.Jew miphun pawl nih nu le va i thitumnak puai chung ah an tuah theo mi cu ‘thlalang hrai khuai’ hi a si. Cu nih a langhter duh mi cu, ‘Jew miphun nih zeitluk kan i lawmh lio caan le kan ni sunglawi hman lio zong ah Jerusalem Temple hrawhpiak kan rak ton mi kha cu kan philh kho hrimhrim lo’ ti khi a si.

Nihin Chin miphun zong kan Miphun nih ‘mahte khuakhan lairelnak’ kan hmuh khawh nakding caah ral kan thawh cuahmah lio a si. Cucu a no he a cang he kan i ihpi, i thawhpi a hau.

Ram chung/ramleng kan si ah, pumpak/Khrihfabu/zatlang phu kan si ah kan khuaruah daan, kan cawlcanghnak, kan umtu thutdir le kan riantuannak zeizongkip hi ral a do/tho cuahmah mi Miphun kan lo maw, lo lo, kan i chek lengmang a herh?

Ral a do cuahmah mi Miphun kan si ti kan i hngalhter lengmangnak nih hin fak deuh in rian i hnek duhnak, retheih i khinh duhnak, i zuam chinnak, pekchanh khawh deuhnak, in tuar khawhnak thazang, i sum nun, dawtnak, zawnruahnak le i siaherhnak a kan pek/ngeihter deuh hrim lai.
Ral a do/tho cuahmah mi Miphun kan si.Cu u Philh hna hlah usih! Crd-Salai Kep Chin Tha ng

Be the first to comment

Leave a Reply

Your email address will not be published.


*