Ngakchia hna nih apiaka an zohmi hi 100 ah 100 in kan kham kho dih lai lo.

Theihkauhnak: PHONE IN APIAKA (porn) ZOH KHAMNAK
Hlathlainak nih a langhtermi cu tuchan mino hna chung in hnarcheu renglo nih kum 18 an tlin hlan in apiaka (porn) zoh an rak thawk cang, kum chiar te a zohtu ngakchia an karh, cun kum 11 hmanh an tlin hlan in zoh a rak thawk cangmi ngakchia an tampi, nain nulepa tam deuh nih cun ka fa nih apiaka a zoh ti hi a ruah awk an hngal lo e ti a si.

Ngakchia hna nih apiaka an zohmi hi 100 ah 100 in kan kham kho dih lai lo. Nain kan si khawh chung cu kan i zuam ve a herh i a bikin an phone tal hi cu apiaka i piah kho lo dingin kan tuahpiak hna a herh. Cucu zeitin kan tuah lai timi a tanglei hin ka hun langhter lai:

iPhone a hmangmi ca ah:
Na fa nih a ngeihmi phone kha iPhone a si cun hitihin na tuahpiak lai:

1. «Settings» ah kal.
2. «Screen Time» timi kha click.
3. «Content & Privacy Restrictions» timi click.
4. «Content Restriction» timi click.
5. «Web Content» timi click.
6. «Limit Adult Website» timi click. Mah khan cun a dih ko. «Limit Adult Website» timi hi apiaka le ngakchia ca i a ṭha lomi website pawl khamnak a si.

Nain tuchan ngakchia cu phone tawnghtham an thiam tuk cang caah na phihmi kha on ṭhan an thiam khawh men. Cucu zeitin ong kho lo dingin na tuah lai ti ahcun:

1. «Settings» ah khan kal ṭhan.
2. «Screen Time» kha click ṭhan.
3. «Use Screen Time Password» timi click. 4. Code/PIN ṭialnak a cuang lai i na fa nih a hngalh lo dingmi code/PIN (number) aa khatmi voi 2 in ṭial. Cun na Apple ID le password an hal lai i na ṭial lai le mah vial cu a si ko.

Nangmah tein na tuah thiam lo sicun a thiammi minung bawmh hal ko hna. Samsung belte hi ka hmang ve lo i a tuahning cang ka thiam ve lo. A thiammi nih comment ah hun ṭial te ulaw.Credit: Roro Fambawl