Ngaihchiatpinak

Kan Khrihfabu chung in Market sang ummi Pi Sai Iang – Kum 87 (Pu Ni Chawn nu & Rev. Dr. Tawk Lian Bawi nu) nih 2022 Tho 30 ah mual a kan liamtak.

Anih hi Lawngtlai ah ai dormi a si. A dam deuh lo caah Thau (Rev. Tawk Bawi te umnak) lei ah an ratpi i Saiha an lonh hlan deuh ah mual a liam hi a si. Thau ah an lanhpi cuahmah lio a si.Amah hi Pathian ai bochan i khualtlung mileng, innpa chakthlang le Pastorte a daw ngaimi a si. Mi hmurka ttha ngai a si.

Hmunkip kakip ah a ummi cuartlai sahlawh rualchan vialte hna, TBC Khrihfabu chungtel dihlak nih kan in ngaihchiatpi hna. Kan ngaihchiatuk ee.Bawipa Thlarau hnemhnak nan dihlak cungah um seh.

Hi vawlei ahhin kannih caah zungzal hmun ding khua a um lo, a ra laimi khua tu kha kan cuan. Hebru 13:14

SAC ralhrang leittang hna nih KIA le AA ralbawi hna umnak tiah zumh mi hmun an langhter

SAC ralhrang lei ah a ttang mi hna nih Telegram ah an ceihphai ngai mi cu KIA le AA ralbawi hna umnak a si tiah an langhter mi kong a si.

An chim ning ahcun KIA le AA hruaitu hna umnak hmun (Location) dik a si mi kan theih cang tiah thatho ngai in an langhter.

Hmanthlak ah kan hmuh bang in KIA hruaitu 3 hna i an khuasak nak inn le AA ralbawi 2 i an khuasak inn cu Google Map hmang in an langhter.

Ralhrang a tttanhtu cheukhat nih cun hi hmun hna hi a rannak in Vanlawng in va kah colh ding an si tiah an rak au len ve.Ainawn

Be the first to comment

Leave a Reply

Your email address will not be published.


*