Ngaihchiatpinak

Kan Khrihfabu chung in TABC sang ummi.Pa Van Duh Cung – Kum 25 (Pu Si Bik fapa) nih 2022 Tho 29 ah mual a kan liamtak. Damlo ruangah Aizawl lei ah an kal i Vanlaiphai ah mual a kan liamtak hi a si. Thau lei ah an tlunpi cuahmah lio a si.

Anih hi Dothlennak ah hriam a tlai i a hawile nih an i bochan ngaimi, hawikom tha ngai a si. Hawikom a nuamhter ngaitu a si.

Hmunkip kakip ah a ummi cuartlai sahlawh rualchan vialte hna, TBC Khrihfabu chungtel dihlak nih kan in ngaihchiatpi hna. Bawipa Thlarau hnemhnak nan dihlak cungah um seh.

Hi vawlei ahhin kannih caah zungzal hmun ding khua a um lo, a ra laimi khua tu kha kan cuan.  Hebru 13:14Photo – Min Bawi fb

Jesuh Zultu Ser Rian Kan Ttuan!
Rom 1:22-23 Annih nih cun, kan fim an ti, sihmanhsehlaw mihrut an si; thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

Khrihfa cu cathiang cawnpiaknak hi fimnak a si, khamhnak lam a si, Pathian lungtonnak a si, Pathian le minung kan i pehtlaihnak ah cawnpiaktu ttha a si, kan zumhnak caah nawlngeitu bik a si, Baibal leng ah khamhnak kong a um lo, Baibal nih a kan chimhmi Jesuh cawnpiaknak hi tuah awk ah si seh, tuah loding a kan cawnpiakmi zong tuah hrimhrim lo ding an si. Baibal cu chap ding a um ti lo. Baibal cu zuhding zong a um lo ti ah a zummi kan si. Baibal cawnpiakmi hi a chimduhmi zong a um tawn i a sullam kan hngalhnak ding caah cawn le hngalh zong a herh, ti zong a dammi zumhnak a si ti kan zumh.

Baibal nih mihrut a timi kong tuzing ah kan rel. Annih nih kan fim an ti. Sihmanhsehlaw mihrut an si. Vawlei cung ah biaknak tampi a um. Mah hin biaknak cio nih an mah le an zumhnak kha a tthabik le a fimbik cawnpaik nak ah an ruah cio. ‘Biatak pali ka hmuh’ ti ah a cawnpiaktu zong hi saupi chung fimnak a kawl. Ka hmuh a ti hnu ah cawnpaiknak a ngeih hna i amah zummi kha an um ve. Biaknak lianpi pakhat a si.

Paul nih, “Mihrut an si,” a tinak a ruang a vun ttial hna. Thih a thiam lomi Pathian tu kha an bia lo.  Paul nih a biakmi le a chimmi hi kan nih ca tialtu, ca reltu zong nih kan biak ve mi a si. Thihnak a tei i a tho tthan mi Pathian a biami kan si. Jesuh cu thumkomh Pathian ah fapa Pathian in a langhmi a si. Thihnak nih a tei lo. A tho tthan. Hallelujah!

Mihrut an si, a timi hna nih an biakmi cu: thih a thiammi minung le va le saram le a lawn in a lawnmi thilnung he aa loin sermi milem tu kha an biak hna. Minung le minung i biak zong a um ko. Milem biak hi a fiang cemmi cu a si ko lai. Baibal chung ah milem biak hi nih chuak le capo ah a saihmi a um lengmang. Thil an hau i an duhnak ah an hman. Milem zong ah an ser ve. Sui in an hut i dawh tein an tuah. Mah cu hmai ahcun an kun i i thangtuah an ti… tampi a ttialmi a um.

Hi bantuk biaknak lawng si lo in hlanlio phung in raithawi le biak zong tampi a um rih. Hruh phung ah ruah a si cang. Miphun kip nih an rak ngeihmi a si ko. Hnu deuh ah an tharchuah lengmang mi a um ttheo. Khrihfabu nih, “hruh a si,” ti ah Cathiang nih a kan cawnpiak mi kha kan zumh. Fimnak a si tiah kan zumhmi biaknak phung a karh khawhnak hnga ding ah rian kan ttuan.  Khrihfa Mission cu Jesuh cawnpaikmi kha chim i zumtu ah ser. Tipil pek. Pathian pennak kauhter kha a si.Bil Hmung

Be the first to comment

Leave a Reply

Your email address will not be published.


*