Ngaihchiatnak

Zophei Baptist Church, Hakha i kan member kan nu Pi Dar Pen – 78 (Sym Fam Zi nu) nih tuzing
19 Setember 2022 zing 7:00Am,  Ainak khua ah a kan thih tak cang.A chuahkehnak Lawngtlang khua ah vui ding a si caah Ainak khua in an rak tlun pi lai.

ZBCH kan ngaih a chia hringhran. Kan nu ruak humh can ah nihin 18 Setember 2022  zanlei 4:00PM ah ZBCH biakinn ah thlacam caan hmannak kan ngei hna lai.Tantakmi chungkhar Bawipa nih hnem hram ko hna seh.Church Pastor

Bawipa nih cawnpiak an duh tikah!Canaan ram kalnak hi lam dang a um ko. Asinain Bawipa nih ti le rawl um lonak hmun ah Israel mi hna a hruai hna.

Cucu Bawipa nih tinhmi a ngeih caah asi.Amah he pumpaak in ipehtlaih, ihawikomh, cawnpiak le a sining hngalhter a duh hna. Ti le rawl in cawm le zohkhenh a duh hna. Harsatnak tampi lakah a ṭhawnnak in khamh a duh hna.

Cun Bawipa Pathian asi kha fiangtein an theihhngalh khawh nakhnga khuaruahhar tampi tuah piak a duh hna.

Nuamhnak le ṭhatnak hmun ah hruai hna sehlaw Bawipa ṭhawnnak le thilti khawhnak an hmu kho lai lo i Bawipa ṭihnak, upatnak, zumhnak, ibochannak, a duhnak kawlnak le a nawlngaihnak kha biapi ah an chia lai lo i an nunnak ah a um kho lai lo.

Bawipa nih nangzong na nunnak ah tinh piakmi a ngei i a ṭhawnnak le a sining hngalhter le cawnpiak an duh tikah a caan ah harsatnak, chambaunak, zawtfahnak, ṭihphaannak le lungrawhnak tampi na tong kho men.

Khakha zeihmanh ṭih hlah Ṭhawng ngai le ralṭha ngaiin um ko. Bawipa ibochan in ihngatchan ko. Bawipa nawlngaihnak le a duhnak tuah kha ithim ko. Bawipa nih na nunnak kha ṭuanvo an lak lai.

Amah nih an cawm lai, Amah nih an zohkhenh lai, Amah lila nih an chuah lai, Amah nih an damter lai, Amah nih na herhmi vialte an pek lai i, a nawlngaihnak le a duhnak tuah khawhnak Thiang Thlarau ṭhawnnak in an bawmh lai.Crd-James Vanneilian