Ngaihchiat Hrawmpinak

CEBC Indiana nih hman liomi Missionary Saya U Thein Htun nih mual a kan liamtak thawngtheih cu ngaih a chia hringhran 2018 Christmas le kumthar karlak ah CEBC Indiana bawmhnak in UCCF ah cawnpiaknak a rak kan ngeih,

Pathian a duh taktakmi a si … caan tawite kan i hawikom nain thinlung nih a philhkho lo … Hmuhton nawlh te lai caan kan hngahhlang lio ah tu bantuk in thihloh thawngtheih cu a poi hringhran a kaltakmi chungkhar le a țuanhawi hna Bawipa Pathian nih hnem hna in intuar khawhnak teinak țhawnnak pe ko hna seh tiah thlaza campiaknak he ngaihchiat hrawmpinak ka hun langhter.Crd-Tluang Hre

Eihmuar Ral Sunghnak.American hlasak thiam minthang, Kurt Cobain nih “eihmuarnak doh hi mino hna kan ttuanvo a si ee” tiah a rak ti.

Nai capar ka relmi pakhat nih “eihmuar a hmangmi ralkap nih ral an tei kho lo” tiah a ti i US cozah bomhnak phaisa eihmuar ruah sawh ah ralkap min aa kentermi Afghanistan ralkap le atu ah Ukraine ral a tuknak ah aa nawnnok cuahmahmi Russia ralkap hi tahchunhnak ah a lak hna.

Afghanistan ralkap sernak le tthawnternak ca lawngah US nih $83 billion bak a dih {zeidang vialte an dihmi telh loin}.

Nain Taliban raltuk caan a phanh tikah raltu ding ralkap an um lo. Mirang in “ghost soldiers” {mithla ralkap} an ti hna i a taktak ralkap um loin an bawite nih min lawng pek i an min in lahkhah lak piak pengmi ralkap {a um taktak lomi ralkap} thong tam tuk te an rak um caah si.

“Eihmuar a hmangmi ralkap nih ral an tei kho lo”..Russia zong Ukraine dohtu dingah ralkap unit cu zat cu kan thlah hna caah ralkap milu cu zat cu an si lai tiah an tuakning in pakhat hmanh a si ve lo. Mithla ralkap tiah auhmi lahkhah lawng a la peng i amah taktak um ve lomi ralkap tam tuk an ngei ve ti a si.

Ralkap ti rawl cawknak caah pekmi phaisa vialte lutlai nih an ei i an ralkap cu eidin tthing, a cheu cu expired cangmi deuh an eiding ti a si. Cozah nih hriamnam le detsi/dizel an pekmi hna zong ralbawi lutlai nih an i zuar dih i Russia cozah nih kan tthawng rua an ti rup in an ralkap zeihmanh an rak si lo.

Ukraine raltuk an i thawh ah khan, an raltuknak tanks le mawtaw ceu thum ah cheu khat tluk cu raltuknak hmun phan kho loin an rawk, an petrol hna an dih ti a si..

“Eihmuar a hmangmi ralkap nih ral an tei kho lo”..Tutan kan ram dothlennak ah miphun caah nunthap in ralkap ttuanmi a hlei in kan lulai hna nih zeitindah dothlennak phaisa kan hman? timi hi ral kan teinak ding caah biapi bik a si te lai.

Vawlei cung dothlennak tuanbia kip kan zoh tikah mipi nih a dongh tiang dirpi mi dothlennak nih teinak a hmuh zungzal.

Mipi nih ngol loin dirpi peng le bomh peng an duhmi dothlennak cu, eihmuarnak thisen aa neh lomi dothlennak a si tawn. Eihmuarnak thisen nih a zual tukmi dothlennak ah mipi lungthin a hmun kho lo. “Eihmuar a hmangmi ralkap nih ral an tei kho lo”..Crd-Hram Bik Lian

Be the first to comment

Leave a Reply

Your email address will not be published.


*