Naite Sunday cu Pastor Mike Mazzalongo phungchim ka ngai.

Naite Sunday cu Pastor Mike Mazzalongo phungchim ka ngai. Khrifabu kong a chimmi pakhat ka lung ah a tap ngaimi a um.

Khrifabu/ Church cu Khrih ah Hrinthannak/ Born again a simi hna ipumkhawmhnak/ Ifellowship nak a si i, cu ipumh khawmhnak nih aa timhmi/ mission cu Khrih ah hrintthannak/ born again a si rih lomi, minung hawi kha, Khrih ah hrintthannak hmuh ve ding in sawm kha a si e,” a ti. A chim ning ahcun, Khrifabu member paoh hi cu, a piangtharmi an si lai tinak a si. Asinain,

A chim lio ah ka lung i a rak chuakmi cu, Chin Khrihfabu cu, piangthar he piangthar lo he Khrihfabu members ah kan icawh tikah, a cheu khrihfabu hna cu, piangthar lo nih Khrifa upa hna an tuan. Church pastor ah piangthar lo hna an si tikah, Khrihfabu hi buai lo awk a rak ttha lo, timi hi ka lung ah a tap ngai.Zasang Cinzah

Upatmi Nu, Na Rum Maw? Ruah a sur ngai lio ah ngakchia pahnih nih inka in an hun mang i, “Cauk ṭhing cawkawk na ngei maw?”an hun ti. Keimah duh cun ka ngei lo ti ka duh ko a sinain an ke ka zoh hna tikah an keden cu a cintuk caah, “Rak lut rih u, cocoa(Kofi bantuk) a lummi te kan serpiak hna lai,”ka ti.

Holh lo tein an rak lut. An keden a ciarmi te cu inka hram ah an phoih tak. Cocoa le changreu mei emmi ka pek hna. Cun coka lei ah ka kal i ka rian ṭuan ka tim, daite in a ṭhumi tafar hna nih ka thinlung an ka lak i ka zoh hna. Ngakchia nu nih a dinnak hrai a lawngmi a kut cung i a zoh. Cu caan ah ngakchia pa nih aw thang nawn in, “Upatmi Nu.. Na rum maw?”a hun ka ti. “Ka rum maw?”

Ka thilthuam ṭhingpi kaa zoh cun, “ka rum lo, dawtnak a si!”ka ti. Cun ngakchia nu nih cun a hrai cu hraichiahnak cungah ralring tein a hun chiah. Cun, “Na hrai le nahrai chiahnak hi aa tlak ngai,” tiah diin nawn i a ti, a aw nih a khim deuh lo ti a langhter. Cun an unau cun an chuak i thli hrang lak ah an kal. Kan i lawm tiah an chim tak lo, chim zong cu a herh ti lo, cunak in a ṭha deuh mi an tuahtak cang. Vandum zawng hrai le a chiahnak aa thlak.

Cun Alu le sa hang ka chuanmi ka hun teh. Aalu le sahang aa thlak, ka inn a cungkhuh a um, kan pa rianṭuan awk a ngei, hi zong hi aa tlakmi lawng te an si. An ṭhutnak ṭhuden cu ka fim hna pah ah an keden chiahnak cu ka zoh a tu tiang a ciin ko rih. Ṭha tein ka kal ter ko hna, hi hna ruangah zeitluk mi rumdah ka si kha zeitik hmanh ah ka philh ti lai lo, a ti.

By Marion Doolan. Crd: Chicken Soup for The Soul.Zumhnak ah siseh, biachimnak ah siseh, hngalhnak ah siseh, midang bawmh duhnak ah siseh, kanmah nan kan dawtnak ah siseh, nan rum ngaingai ko. Cucaah cun hi dawtnak rian zongah hin a siangmi nan si awk kha kan in duh hna(2Kor. 8:7).Mah Zi