Naite Saya Van phungchim kha ka ngai i, Bible cawnpiak ningte a si ko.

Naite Saya Van phungchim kha ka ngai i, Bible cawnpiak ningte a si ko. A bik in Baptist nih kan zumhmi Trinity, Pa, Fapa le Thiang Thlarau riantuanning kan zumh ning te a si ko.

Pa chan ahcun direct in Pa, Pathian nih Minung sinah bia chim. Prophet sinah bia a ruah hna.

Asinain Fapa chan a phan I, Fapa cu Minung ah aa cang i, Minung bantuk in a thang i, Amah pumpak in bia a kan ruah. A kan cawnpiak. Fapa chan a dih i, Thiang Thlarau chan a ra. Tulio hi Holy Spirit riantuannak chan ah kan um lio a si.

Pa chan, Fapa chan le Thiang Thlarau chan an riantuan ning hi thate in thleidan thiam ko ahcun, Pa chan lio bantuk in Pa Pathian nih bia a ka ruah. Cuticun, a ka chimh, tbk hlan lio prophet bantuk in aa ruatmi hna hi Nal prophet an si kho. An theihmi aww/voice kha Pathian sin a rami Aw/ voice a si lo kho.

Tulio hi Holy Spirt chan ah kan um i, Holy Spirit cu, Pa le Fapa nih an kan cawnpiakmi paoh, sullam a kan chimhtu, a kan pemtertu hi a si. Phundang in chim ahcun, Pa le Fapa nih tling cikcek in bia an kan ruah cang i, Cucu ỚT le NT hi an si. ỚT le NT a sullam a kan pemtertu ding caah Holy Spirit hi thlah piak kan si.

Holy Spirit cu kan caah fim chimtu, Bible sullam a kan pemtertu, daily life ah a kan bawmtu caah thlah piak kan si i, laksawng bantuk in a có in có khawhmi zong cu a si.

Cun, kan thinlung le kan ruahnak ah Holy Spirit nih nih bia a kan ruah, hngalhnak a kan pek tbk in bia or idea a chuah tikah, Holy Spirit in a rami a si le silo in Bible ah thate in check tthan ta lengmang a herh fawn. Zeicatiah, Holy Spirit in a ra tiah kan ruahmi bia le Idea hi Satan/ evil spirit in a ra mi zong a si kho zungzal fawn.

Cucaah, tulio kan chan hi Holy Spirit chan a si bantuk in, Holy Spirit a um lio ah, evil spirit zong a um thiam ve caah, Bible thiam thiam in thleidan ding hi tling tein Pathian nih Bible a kan pek hi a si.

Vawlei fimnak in kan zoh tthan ahcun, Minung mind/ khuaruahnak ahhin Minung 2 peng an um. Kan mind/ khuaruahnak ahhin an i al zungzal. Example ah Suicide in a thimi hna khi, an khuaruahmi lila ah pakhat deuh nih ithah a fial hna caah a si.

Kan lungthin le kan ruahnak ah a rami paoh hi, fawi tuk in Pathian sin in a ra tiah zumh colh hi, fimlo/ thluak diklo/ psychotic tbk zong si khawh ngai fawn.

Cucaah, tulio kan chan ahcun, cenghnia lakah thlahmi tu bantuk kan si i, rul bantuk fim in, Thuro bantuk in nunnem hi bia kan kan cahmi a si caah, kan theihmi aw/voice paoh hi zuan hnawh colh awk an ttha lo. Zei aw dah a si? timi thate in kherhhlai hmasa peng a herh.Zasang Cinzah