Nai te ah Miphun ralkap pakhat aa hliam i thlopbul ding ah … khua ah an kalpi lio ah khan a dongtu le ṭhutdirnak tawlrelpiaktu an um lo

Dothlennak, dothlengtu le tawlreltu hna!Nai te ah Miphun ralkap pakhat aa hliam i thlopbul ding ah … khua ah an kalpi lio ah khan a dongtu le ṭhutdirnak tawlrelpiaktu an um lo. Driver zong nih, “Thlah lawng ka rian a si” a ti an ti. Aa hliammi a kalpitu kha anmah holh a thiam i aa rel, anmah holh a thiammi rak si hlah seh law cu an poi ngai hnga ti a si.

“Cu cu biafiang a si hnga maw” tiah ka hal i, “biafiang a si ko” a ka ti.

Raltuknak hliamhma thlopbul ruah ah khua dang tiang va fuh lio i a dongtu le ṭhutdirnak tawlrelpiaktu um lo tiang hi cu a poi hringhrang.

Tawlrel ko bu i relremlonak a um sual ruang ah i pialkan phun khi cu ruah thiam khawh deuh a si hnga. An tawlrel lo hrimhrimmi a si ah cun “ṭuanvo ngeitu” pawl zong khua faak piin ruah an hau. Raltuknak ah aa hliammi dongtu a ngeihlonak khua ah hin ramkhel rian ah a cawlcangmi le MP hlun pawl an tam lengluang ko ṭung.

Mah le si khawh tawk cio in Ming Aung Hlaing an dohmi hi zei bantuk ramkhel phu le minung pumpak ruah ah a si lo, uknak ṭha lo duh lo ruang lawng ah a si.

Hmailei ah cun hi bantuk thil sining bantuk hi cu a umtilonak hnga ṭuanvo ngeitu hna nih khua an ruah deuh i khua an khan a herh ko.

(Dothlennak cu a dongh tiang tha ka peek ko lai. Asinain, dothlengtu hna cawlcanghnak ah chim awk a ummi tete zong ka chim fawn ko lai. Cu cu, dawtnak ruang ah a si tiah ka ruah).A Ruang 07/09/2022