Nai ah US state pakhat ah Laimi minung pali cu biaceihnak zungah license ngeih loin nga an sio,

Laimi hi kan umnak paoh ah a felmi le nawl a zulmi kan si. Khrihfa kan si. Riantuan teima mi kan si. Innchungkhar in chungkhat tiang a siaherh pengmi kan si. Kan nunzia le ka sining hi a thatnak a tam ngaingai.

Khatlei ah kan nunphung ah phung le lam , upadi tibantuk hi kan rak iziah kho deuh lonak tete zong a um pah tawn. Abikin USA ram tibantuk ahhin kan rak phan tikah an phung le lam zulh ding hi ngasio tiang ah license hna a hau. Cun sur le peih hman in nga tlaih khawh asi lomi phung a tam. Minnow timi nga hmete lawng hi ngasio rawl caah sur le peih in tlaihnak nawl pek deuh asi. A dang paohpaoh hi cu license ngeih in sio deuh lawngin tlaih khawh asi.

Nai ah US state pakhat ah Laimi minung pali cu biaceihnak zungah license ngeih loin nga an sio, sur/peih in nga an tlaih timi kongah taza an cuai hna. Biaceihtu hmai ah “ Kan sual ko” an ti dih.

Ngasio license rak tuah hna sehlaw dantatnak man a tlawm deuh hnga, ngasio license hi thalcaan ca hna ahcun U$ 40 tang deuh hi an si ko hna caah ngasio a huammi ca hrim ahcun pelh lo tein ituah awk asi. Sur/peih in nga tlaih hman hi kan rak tuah tawnmi asi ko nain ka ram ahhin cun kal tak a hau cang. Sio rawl caah minnow tlaih dah ti lo cu a dang kongah hman hrim ding asi lo. Mah zawn lawng iruahmi zong kan lo. Cu hleipin ah phunglam lo in ramsa nunnak lak timi illegal taking wildlife , tazacuainak hmuh misdemeanor Class A hna in biaceihnak zung chuah hi ningzak asi.

Ipalh caan a um ko lai, nain atu le atu a palhmi kan si ahcun le kan kiangkam ah a palhmi hna an tlaih hna , taza an cuai mi hna kan hmuh ko nain an ipalhnak cia cungah kan ipalh than ahcun kan mah daithlang deuh asi cang.

Ralzam in a rami miphun kan si tikah hoi hlei in phung le lam a zulmi kan si ahcun kan mah pumpak ca zongah hlawh a tling i, kan miphun rim zong a hmuiter deuh tawn. Siaherhnak he,
Salai Z T Lian

Be the first to comment

Leave a Reply

Your email address will not be published.


*