Na thil a phan, airport in kan rak in chawnh. Na caah parcel bawm a phan.

Na thil a phan, airport in kan rak in chawnh. Na caah parcel bawm a phan.

Awngbali (lottery) na poh, rak hlam. Ro kan hmuhmi cheuh ve kan in duh i na bank account kan kua. Thil na cahmi parcel bawmh a phan. DHL a phan. KBZ bank in a si KBZ pay in a si, CB pay in a si, na ID le chuahni na kan chimh kho lai maw? Phone in maw Email maw text maw a luh ah…Zei tik hmanh ah zumh hlah.
Zum bak hlah. Zum hrimhrim hlah. Lih a si. Hlen a si Mirang nih Scam an ti Kawl nih “Yeihsa”

Scam lawng te an si. Nai hrawng ah a lar ngaimi Parcel Delivery Scam timi na thil tom a phan dollar 30,000 a si i a tlanh/hlam man ah dollar 3,000 na pek hau timi phone a tam ngai  i Chin miphun tam ngai zong nih hlen kan tuar.

Atu lio a lar ngaimi “Scam” – Hlennak hi vawlei cung ah a karh ngaite, hlan ahcun minak miphun pawl an tam ngai nain nihin ahcun Kawl zong Asian mi zong nih hi bantuk hrokhrolnak an hman ngai cang. A bik in Kawl nu le pa pawl nih tlangcung mi kha airport in kan rak in chawnh hna, nan thil a phan i parcel chung ah dollar cuzat kha zat a um i cu zat in kha zat in na rak hlam a hau. Cu lawng ah na phaisa a phanmi hi kan in pek khawh, kuatman le tax na pek a hau tiah an hlen hna. Ralrin ngai a hau.

Scam hi phun tam ngai a um i atu lio ahcun

1.Parcel delivery scam – na thil tom na parcel a phan, hlam man na pek a hau. Cheukhat ram ah cun na innka hram ah a rak phan ko lai i phaisa an in hal lai, na cah lomi thil. Singapore ram tukum Jan -May 2022 tiang ah S$483,000 an hlen hna tiah Singapore police nih thawng a thanh (Channel news Asia, May 2022)

2. 419 email an ti i Nigerian Scam an ti mi email kuat in Nigeria prince phaisa nan ram ah kuat ka duh i cu ee kha ee phaisa kan i then lai tiah an hlen hna i CNBC news nih a thanhnak ah “Nigerian Prince” email scam nih a buaktlak in kum khat ah $700,000 hi an hlen khawh hna tiah a thanh.

3.Advance fee Scam Lottery na poh, ro cheuh kan duh, nan ram ah investment tuah ka duh i phaisa rak kuat ka duh in a bank account kan pe law phaisa kan rak in kuat lai an ti i cu hnu ah cu zat advance na rak pek hau a ti duhsah te in phaisa an chuh hna.

4.Cun internet hman i IT, phishing, Tech support Scam…email maw phone in virus an in kuat lai in a information vialte an lak dih lai. Na theih lomi email link cu hmet/click lai cih.

5.Emergency Scam timi a um rih, facebook maw phone in a hawi min an hman lai i messenger maw viber in maw harnak ka ton i cu zat kha zat ka kua ta tiah text a lut lai.

6. Nigerian Fraud timi foreign money exchange scam timi wungyi nupi nuhmei ka si i nan ram ah ramdang tangka kuat ka duh i nanmah sin in kuat kan duh an ti lai.

7 .Counterfeit -phaisa dollar a tuh, a nakmi si a thuh lai in a tawl ahcun dollar ah a chuah lai kan rak in kuat lai paper nakmi a si lai, si in na tawl lai i dollar ah a chuah lai…

8.Log in info…le ransomware le malware micheu cu phaisa lei hlen si lo in na log in info ngah khawh ding in a lam kip an i zuam lai, virus aa telmi message na phone maw computer ah a rak luh lai “hmeh sual lo” a biapi.

9.Dating le romance scam – an hmanthlak (profile) an thlen lai i nangmah he relationship tuah i duhnak le i hawikomhnak an tuah lai i na zumh hnu ah duhsah in na phaisa an in hlen lai

10. Online Shopping le credit card hmannak – i ralrin lo ah na bank le card phaisa an lak dih lai.11.  Job and Employment rian peknak le business a fa mi – investment tuah ding in an in offer lai

12.  Forex (ramdang phaisa), stock le gambling -betting tuah i lente celhnak in app in stock trading -sui le dollar te hna online trading an in chimh lai i trial a san in an in cawkter lai i na miak hnu ah phaisa taktak an in rawnter lai i na phaisa na sung kho dih.

Zapi theih cia a si ko i Yangon zong ah upa tampi zong Nigeria scam in phaisa tam taktak an rak hlen bel cang nain hi kong a theih lo an tam tuk rih pin ah hlen phunphun zong a karh caah theih a herh ngai. Nai ah Hakha lei high school saya a rak tuan bel zong Yangon airport ah parcel in hlen a tuar. Kan hnu zarh ah Rual-u kan hawi pa nih a ni zong sing 90 airport ah dollar parcel hlamnak ah a pek hna i hlen a ton a ti. Nizaan ah Singapore ah Falam nu te zong $3,000 an hlen i nifa hlennak a karh taktak.Zapi i ralrin cio hna usih.Crd-Sui Hingz

Be the first to comment

Leave a Reply

Your email address will not be published.


*