Na Lungfahnak Kha Na Hawikom Tha Bik Hmanh Va Chim Hlah!

Na Lungfahnak Kha Na Hawikom Tha Bik Hmanh Va Chim Hlah!Na lungfahnak le ngaihchiatnak kha mi nih thei hna hlah seh ti na duh ahcun ahohmanh va chim hna hlah.

Minung hi lungthin tha neimi kan tlawm caah na hawikom tha bik sin na chim tikah, “A si maw? A poi tuk!” an ti lai nain a lungchung in a diriam kho men ko. Cun nikhatkhat ah cun mi sin ah a phuan fawn lai.

Cu caah na lungfahnak le ngaihchiatnak kha nai umpi khawh lo vekvek ahcun midang sin chim len loin na chuahpi na unau hna sin lawngah chim law a thang lai lo.

Cu nak hmanh in a tha deuh rihmi cu Bawipa sin chim a si. Bawipa sin na chim ahcun na thilrit a zaang lai i, na lungfahnak le ngaihchiatnak kha a dam colh ko lai.Crd-Ramleng Chin

Farasipa le Ngunkhuai khawltu pa hna thlacamnak (Luke 18:9-14) Farasi pa : “Kei cu midang bantuk in sualnak ka tuah lo, lih ka chim lo, ka hakau lo, nupa sualnak zong ka tuah lo. Ngunkhoi khawltu bantuk zong ka si lo, zarkhat voi 2 rawl ka ulh, ka hmuhmi vialte zong cheuhra cheukhat kan pek ”.

Ngunkhuai khawltu pa: Van hmanh zoh ngamlo in, a langhlat khin a tang aa cumh i, “kei misual cung ah zangfahnak ngeiko”.

Pathian nih a theihpiakmi thlacamnak cu Ngunkhuai khawltupa asi, Farasipa, mah fak hmang thlacamnak cu Pathian nih a theihpiak lo ai!

Hi bianabia hi Jesuh nih mah le mah ka tha tiah aa ruat mi hna sinah a chimi asi tahchunhnak asi.

Ruah awk:Cheukhat zumtu aa timi hna hi Farasipa lungput bantuk angeimi kan si kho men. Ngunkhaui khawltu pa lungput bantuk ngeihding tu kha Jesuh nih a kan fialmi cu asi.

“Mah le mah aa ngantermi cu thumh an si lai i, mitang aa dormi cu mingan ah ser an si lai” ati.

Tangdor nun tu cawng ko hna usih! Atangmi cu Pathian rian ah chiahko hna usih!Peace!Crd-Kham Pi

Be the first to comment

Leave a Reply

Your email address will not be published.


*