Myanmar rammi 15 cu phung ning loin Malaysia ram ah rianṭuan ding in a kalmi an si i, Thailand ram thlanglei Chon Phu pengkomh ah tlaih an ton hi a si.

Malaysia Kal Aa Timmi Myanmar Rammi 15 Cu Thailand Ram Ah Tlaih An Tong

Thailand ram thlanglei Chon Phu pengkomh ah phung ning loin a lutmi Myanmar rammi 15 cu March ni 2 zan ah kan tlaih hna, tiah No. 25 ke ralkap hna nih cathanh an chuah.

Zan suimilam 11PM hrawng ah leilawng a nakmi pakhat cu Chon Phu pengkomh check gate ah check hlatnak tuah duh loin a lan i kan va dawi hnunah kan tlaih, tiah an langhter.

Leilawng cu Chon Phu pengkomh Parhtiwu hmunram um lamkam a dir lioah kan tlaih i, cu chung ah Myanmar rammi pa 12 le nu 3 cu kan tlaih hna, leilawng khaltu pa cu a zaam, tiah an langhter.

Myanmar rammi 15 cu phung ning loin Malaysia ram ah rianṭuan ding in a kalmi an si i, Thailand ram thlanglei Chon Phu pengkomh ah tlaih an ton hi a si.

Tlaih a tongmi Myanmar rammi hna cu Tanintharyi ramṭhen ramri, Prakat Khiri Khan pengkomh ramlak in ke in an kal i cuka hmun in leilawng nih a don hna.

Malaysia kalnak ca ah Agent cu minung pakhat nih Baht 37,000 an pek. Tlaih a tongmi hna cu dantat ding in palik sakhan ah kan kuat hna, tiah an cathanh ah cun an langhter.The Chin Post