Mizoram Ah Myanmar Mi 2 Sin In Rithaisi An Tlaih Ṭhan!

India-Myanmar ramri Mizoram ramkulh, Champhai peng ah August 19 ah Myanmar mi 2 sin in rithaisi le bing 14 gram kan tlaih, tiah Mizoram rithaisi khamtu phu nih an thanh.

Rithaisi he tlaih a tongmi Myanmar mi 2 hna cu Tedim peng, Thinglei khuami Thang Sian Khai, kum 26 le Zam Lam Sum, kum 24 an si. Tlaih a tongmi pa pahnih nih cun 125 Kenbo cycle in rithaisi cu an phorh i, lampi ah an tlaih hna, tiah theih a si.

August 18 zong ah khan Champhai ah, bing 65.52 gram cu Mizoram mi pakhat sin in an tlaih, tiah theih a si. Tlaih a tongmi hna cu Upadi ning in an sualkawl a si.The Chin Post

SAC Ralhrang Le Cobra Ralthluan An I Kap,Ralhrang (6) Thi In (21) Hliam Fak An Pu.

August 19 Kayin ram Myahwady – Wawle Lampi cung i a um mi Phayakung ah ralser in nihin august 19 ziing ah a rakra mi SAC ralhrang tatmah -44 kuttang ခမရ -102 hna le Cobra ralrhluan hna kar ah kahdoh nak a chuak i , ralhrang (6) an thihleng ah (21) fakin hliam an si nak Cobra ralthluan nih cathanh an chuah.

Cu kahdoh nak i a nung in an tlaihmi hna ဒုတပ်ကြပ် ထင်ကျော်၊ ကိုယ်ပိုင်အမှတ် (တ-၃၇၄၀) le ralkap Min Tu ကိုယ်ပိုင်အမှတ် (တတ-၁၂၅၅) hna cu ဂျီနီဗာကွန်ဗားရှင်း le ပြည်သူ့ကာကွယ်ရေးတပ်မတော် nih thate in an zohkhenh hna nak cathanh ah an langhter chih.

Cu leng ah ralhrang ta asi mi MA -1 meithal zuun (1) / MA -2 meithal zuun(1)/Kuankgam nak phaw (2) / RPG bombthei (2) / RPG ပိုယမ်း (2) /ကျည်ကာ အီကွေ့မန့် (2) / 5.56 kuan (1000)/ Kuan bawm (7) / 40 MM bombthei (6)/60MM bombthei (4) hna cu fimtawl a si tiah theih a si.

Ralhrang hna nih ziinglei suimilam 8:00 ah thazaang tamngai in ralhmai (4) hoih in ralser nak an ngeih than caah chuunnitlak kahdoh nak fakngai in a chuak, zaanlei suimilam 7:00 tiang ah kahdoh nak pehzulh a si,ralhrang lei nih Jetfighter hna le 122 MM Miakpi leng ah 60 MM 81 MM hraimngan hna le Atlar in kahchuah nak drone MLRS hna an hman chih tiah theih a si.

Nihin kahdoh nak chung ah Cobra hna hi hmunram sunghmi an ngei lo na in raltuk nak motor thenkhat hna le hriamthil thenkhat ai rawk i Cobra ralkap (3) hliam faktuklo an tuar tiah theih chih a si.

Be the first to comment

Leave a Reply

Your email address will not be published.


*