Mithil le mahthil.Laithil kantimi cu zeikhidah si?

Mithil le mahthil (Part I) IP Right tiah a tawinak in auhmi Intellectual Property Rights timi cu “mipakhat nih a ruah a ruah i thil asermi thil cungah nawl neihnak vialte pekdih cikcek mi” tiah laiholh in kathiamtawk kahei leh. Cuti IP Right a neimi mi pakhat nihcun, a thilchuahmi cungah vennak nawlle, khamhnak nawl 100 ah 100 a nei ti khi si ko.

Cucah ah, IP Right he a pehtlai mi thilkong kanceih pohah aneitu nawlpek nak le biakam nak umlo in mahnawl in i cawn khawh silo, mahnawl in ilak khawhsilo i tangka man phalh in chawhleh nak chinchin cu a ngahbak lomi thil khisi. IP Right, an serhnawh chan aruangcu, mi pakhat nih thilthar chuah le ser duhnak ah a thatho seh law, thangcho nak lamkau chinseh tiduh ah hin si. Cun, IP Right le Economic (si puazi) thanchoh nak hi apehtlai hrimhrim tisi caah Lai mi kanthancho nakca hrim ah kan herh tak takmi cinken dingmi si ti hi kantheih aherh!

Laithil kantimi cu zeikhidah si?
Kan lainu thil hi, athawi zohin le athawi minpek in , abiana ah Sungtin Thawi lawng khi laithil ti si lo in, Sungtin thawi sizongah, Hnaing Hnaing thawi si zong ah laithil kanti ko caah, a buaktlakin a suttung mi si mi “laithawi atel mi kor, hni le puan” khi laithil kantimi asiko tiah karuah. Cucu kor, hni le puan chung ah atelmi a par le athawi zohin kan laithil hi a phun adang cio ticuzapi theih si.

Asi ah, Aidii chuahmi Par Bor Sung khi laithil pei siko cu, laithil cu aho kantaa cio silo ma?

Hihi biahal nak hi a chuahnak hi acung ah kachimmi, laithil kantimi hi zeikhi dah a sitimi le athawi phun pawlhi kancawh i kanthleidan lo caah a si tiah karuah. Aruangcu, ahlantein duhpoh kanrak i tah ciomi, Arpifarual tepawl, Sungtin thawi tepawl le Hniang Hniang thawi tepawl arak sertu pawlnih kanmah sermi si, kan mah thawisi tiah rak thanhnak le rakkhamh nak arak um lotikah mahta cioah kan iruahhna i, zapi tuah phung ah achuahbeh mikhi si kotiah karuah.

Atu ahin, mahkan i hruk len mi araktak tupawl nih tete fektak mihe ankan khamh i, nawl ankanpek tilo ahcun, mahthawipawl kha an nawlloin kan tahtilo din kan mak cio ding khi kansi. Afawi nakcun, laimizapi kanthil timi cu, laithawi atelmi “kor, hnitial or khuptangtial, le puan(kakhat, kahnih, kathum) timi deuh khiasi i, athawi khicu asertu nih nawl 100 ah 100 anneih misi.

Chan sining athleng i, thilkalning athlen tikah, Par Bor Sung tiah sakmi laithil tharcu, aneitunih keimah sermi si tiah avuntimi hi atiawk si i anawl zong si. Aruangcu, amah nih hlanpipu nih ankan roh tak mi thawipawl chirhchan in a chuahmi, a hlanzong ah a umballo mi, amin zong kan theih ballo mi, laithawi thar pakhat a chuah timi fektein chimkhawh nak nawl le theihpimi a neih caah hin si.

Hika zawn ah fianh kaduhmi cu, “Chirhchan” timi le “Nawlcawn” timi a lo lo, “Chirhchan” ti micu, a umciami zohchun in cu azihchun mi kalningzong situng nain a dangpakhat chuah khi si.

Abiana ah, Par Bor Sung, ah laithawi kanneih ciami aumko lai nain, cuthawivialte font i achuakmi cu a umballo mi kanlaithil thar pakhat achuahmi khi si, cun nawlcawn timicu, amhbak he akhat akmi pakhat chuah khisiko. Atu ahcun, tuan kachim mi, Sungtin thawite pawl, Hnaing Hniang thawite pawl kha anei tunih rakkhamh silo nain, atuah Par Bor Sung cu aneitu nih anawlneih nak akanchimh tikhi siko.Part II kataar chap.Aven (Sungkhun Nu)

Be the first to comment

Leave a Reply

Your email address will not be published.


*