Mit hmuh mi poh le theihmi poh in cuai kan thlai colh ahcun kan palh zungzal ko lai.

Mit hmuh mi poh le theihmi poh in cuai kan thlai colh ahcun kan palh zungzal ko lai.

Zeidah a zeitheng dah timi kha a ruangtu kawl a hau mi a si. Misual cu biacaih zung ah chuahpi a si ahcuna thatnak a chim lai, a chuahpi tu nih an diknak an chim ve lai, cucu kap hnih awka a ngaitu nih khan biachahnak a tuah khawhnak lai an biakha a ngaihpiak veve hna a herh.

A dik dik lo timi le a palh, Palh lo timi kong ahcun kan ruahnak kan hmuhning rakchim ve hi mihrut rian a si i hruhphun khat a si.

A palh le palh lo, a dik le dik lo ahcun kan ruahning kan hmuhning a biapi lo a si bakmi kha a biapi cem cu a si ko.

Ruahchan chim caan le hmuhning chim caan cu a hmun le hma te a um ve theu tawn.

minung hi kaupi in khua kan ruah a herh caan a um i bi tein khuaruah a herh caan zawng a um ve. Mi cung ah a tlungmi kha kaupi in kan ruahpiak khawh lo a si ahcun zeitik hmanh ah a rights a covo kha kan pe kho lai lo.

Mi nih fahnak ni caan zeizat dah a rak iin cang timi le zeitik in ai rak thawk cang hnga timi ruahpiak khawh ding zawng a biapi. Minung nih mualpho huam in thil pakhatkhat a tuah cang a si ahcun a thinlung ah sautuk a uam cangmi kha a uam khawh tilo ruangah a si ti zawng kha ruahchih a herh caan a um.Crd-Salai DK

Dawtu Kut Hna Zabu 15 lio ah German ram ah unau pahnih kong thil cangmi a um. Anpa nih fa 18 a ngeih hna caah an si a fak ngaingai. An khua pawngah zuksuainak sianginn aum mi ah kai an duh tuk nain an pa a si afah caah an kai kho lo.

Hi unau hna nih phaisa pia khawng le pan kan hlawrh lai i khawng a tingmi cu zuksuainak sianginn kan kai lai, pan a tingmi nih lungkhur ah rianṭuan in cawmding tiah biakhiahnak an ngei. Phaisa pia cu an hlawrh i khawng a tlak caah zuksuainak sianginn ah a upa a kai i a nau pa nih lungkhur ah kum 4 rian a ṭuan i a upa cu a cawm. Kum 4 a tlin hnu ah a naupa sianginn kaiter ve i a upa nih lungkhur ah riantuan ve ding in an i khiahmi cu a si.

Sihmanhsehlaw a upa cu zuksuai ah a min a than caah lungkhur ah rianṭuan hau lo in phaisa tampi a hmu. Sianginn a dih tikah lawmhnak puai an tuah lio ah a upa cu a fim caah zuksuai sianginn ka dih khawhnak hi ka naupa ruangah a si, a tu hin sianginn ka kaiter ṭhan lai tiah mi zapi hmaiah a chim.

Culio ah a naupa nih cun “ka u nangmah sianginn na kai i teinak na hmuh mi kha a za ko keicu zuk ka suai kho ti lai lo,” a ti a kut cu a hmuhsak hna tikah rian a ṭuannak ah a kut a rak kawi dih cang. A hmutu vialte an mitthli a tla, A upa cu a ngaih a chia tuk zeidah ka tuah piak khawh hnga a ti, a kut a kawimi te cu a suai i a tang ah “Dawtu Kut Hna” tiah a tial. Cu zuk cu an zuar tikah man tam taktak an hmuhnak.

Jesuh nih cun a kut lawng silo a nunnak a kan pek. Crd. Rev. NoNo. Kyauk Ye Dwin Faith Baptist Church
Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai? Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si(1John 3:17-18).Mah Azi