Mipi nih CDF, CNA le Kan Chin Ralkap chanbaunak an ttialmi ah maw chiat ding a um lo.

Timit Hlei kongah kan lungrawk maw?Timit hlei kongah mipi kan thin phang , kanngeih chia i kan phaisa rak thawhmi a lak a si sual lai tiah kan ruat.

Mipi nih CDF, CNA le Kan Chin Ralkap chanbaunak an ttialmi ah maw chiat ding a um lo. nan/kan phaisa thazaang thawhnak a sau cang tik ah chimrel ve ding asi hrim2.

Ruahding Pakhat,Kan nih cu kum khat chung lawng phaisa kan thawh rih kha philh hna hlah usih. Dawtnak vialte lak ah a ngan bik mi cu Nunnak pek hi a si. Cu dawtnak cu kan CDF le CNA hna nih kan Chin Miphun vialte caah a pe cangmi le a ready mi an si.

Nang le Kei cu Kanngai dih umnak le kan nunnak pek cu chin hlah, Kan herhmi vialte kan cawk dih hnu i a hleimi in pei Khua le ram caah thazaang kan chuah ko hna hi . CDF le CNA nih Khua le ram an dawtnak le a tam u Ram thumnak nih Ram kan dawtnak cu compare/ cuaithlai awk a ttha lo.

Khua fak pi in ruat hna usih.
Fak deuh te in ruat hna usih. Carel tu nan cungah ka lawm
Crd-John

Nunnak Thaw!1Thesalon 3:8 Bawipa chung ah fek tein nan dir ti theih cu kan caah nunnak thaw a si.

Minung nunnak ah a biapimi tampi a um. Kan nunchung cu kan thaw kan dawp. Kan thaw kan chuah. Kan thaw kan chuah ti lo cu thih a si. Kan thaw kan dawp ti lo cu thih a si. Kan nunnak thaw hi zeitluk in dah a biapi ti hi ruah set lo ahcun hngalh khawh a si lo.

Covid 19 in kan hung zawt tik ah a fiang tuk. Covid 19 zawtnak Delta wave an ti lio, third wave ti zong ah timi kha, ruah tthan tik ah a fiang ngai. Oxygen minung nih kan herhmi nak tlawm deuh tik ah kan nunnak thaw a dong. Kan pum zong a tthawng ko. Kan eidin zong tlam a tling kan ti ko lio ah kan nunnak thaw a peh khawh lo cu kan thih a rak si ko. A tthawng ngaimi zong nih tuar a si. Zawtnak tthalo ngei cia le bang cu loh a si ko.

Nunnak thaw hi Pathian nih a kan pekmi a si. Pathian nih Adam kha vawlei in aser i a nunnak thaw kha a hrawmh. A hnarchung ah a thaw a thawt. Adam cu a hungnung. Saram zong nunnak thaw cu an ngei ve. Pathian nih a pek ve hna.

Paul hi Pathian rian a ttuannak ah Pastor a si. Pastor cu cawnpiaktu a si. Pathian an zumh i khamhnak an hmuh khawhnak hnga cawnpaik tu a si. Nihin tiang zong hi Pastor rian cu cawnpaik a si. Khrihfa mi hna nih nifate nunnak ah Pathian duhnak tuah khawh in khamhnakhmuh ding cawnpaik hi a si.

Paul nih Thesalon khuami hna sin ah a chimmi tuzing ah kan relmi hi a biapi ngai. Bawipa chung ah fehte in dir, hi a herh ko. Bawipa kan zumh ruang ah Tipil kan ing. Khrihfabu ah kan um. Kan zumhnak kha fek tein dirpi peng hi a biapi tuk. Timote cakuat chung ah “Demas cu tuchan vawlei he an i duh i a ka zamtak ai (2Timote 4:10), ti kan rel. Zumtu si hnu ah hin Tuchan vawlei he i duh in zumhnak kal tak a um kho ko. A rak um ko. Tuzong ah a um pah tawn ko. Hmai lei zong ah a um khomi a si.

Tuchan vawlei he duh lo in fek tein dir cu cawnpiaktu, Pastor le hruaitu ca ah nunnak thaw a si. Lawmhnak petu a si. Hnangamnak a si. Khrihfa a si cia mi hna nih zumhnak hlawt in pathian dang zuan cu, siasal hna biak tthan cu cawnpiaktu, Pastor caah ngaihchai taktak a si.

Ca reltu, ca tialtu kan nih zong Bawipa chung ah fek tein dir zungzal ko hna u sih. Hruaitu caah nunnak thaw petu ttha kan si, nan si. Pastor thlacamnak cu, zumtu dihlak Bawipa chugn ah fek tein dir i khamhnak hmuh hi a si.Bil Hmung

Be the first to comment

Leave a Reply

Your email address will not be published.


*