Minung pakhat a man zeizat a si?

Nihin cu khua tampi ka tuak. Ka tuaktan mi tampi lakah pakhat cu «minung pakhat nih kan man hi zeizat dah a si hnga» timi a si. Khuatuak awk a ngei lomi hna ka lo kolo maw? A dam lomi (mihrut timi biafang ai ah ka hman ttheu mi ) ah rel ka fawi i keimah te zongin ka dam pah rua lo kai ti ve ko. Aruang cu khrihfami pakhat dirhmun in le atu lio dothlennak caan chungah mahbantuk bia hi cu a taktak ti ahcun a tu le tu, nifatin te kan nawlh lengmang mi bia khi a si. A sung tukmi, kan ngeichun nunnak, pakhat te long kan ngeimi, Pathian nih a kan hlanhmi nunnak kan ti peng ko buin hei ruat peng rih khi.

A si ne ah pangpar he tahchunh lengmang mi minung kan nunnak hi zeizawn zoh le ruah in dah kan man khiah a si hoi ne lai? Mifim le fim lo, mirum le rum lo, thiam deuh le thiam deuh lo tiin man khiah awk a ttha mi kan si hnga maw? Kan man taktak hi zeizat hme a si?

Keimah ruahning, pomning le cohlanning ahcun Nunnak thaw a ngeimi ka minung hawi an man cu keimah man tluk a si ko. Keimah man bel a zat ka khiah kho lo. Aruang cu vawlei pi hman nih a cawk khawh lomi Pathian hlanhmi nunnak a ngeimi kan si dih. Cucu fim le fim lo, rum le rum lo le thiam le thiam loah ai hngat mi a silo.

Pathian kutchuak kan si dihnak cungah kan man a um, tiah ka pom. Cucaah na man nai khiak khawh lo ahcun mi man zong na khiak kho ve lai lo. Cu ve bantukin Mi man na khiah cang ahcun nangmah man zong cu khiah cia a si ve lai tihi ka cohlanning a si.

Note!!! Ka biak Pathian kutchuak ka minung hawi upatnak he ka ttialmi a si. By-Ni Par Hlawnceu
Sept 16.2022 : 23:07pm ( Ninga Ni Zan )

Be the first to comment

Leave a Reply

Your email address will not be published.


*