Minung men men asi ko mi Kei mah hi Zei ruang ah dah na hnakar ah na ka tanh I zing chun zan kal tak ko lo hin na ka um

Bawipa na vel hi ka caah aza e!
Nitin ka nunnak ah tlacham lo tein lam na ka hruai zungzal i Bawipa nangmah thawng in zeizong vialte ngei kho tu dirhmun ah na ka chiah dih e!

Na thawn nak hna cu ka derthawm lio caan ah hin na langh ter tawn i Kei mah te lawng in zeitik hmanh ah na ka chia ta bel lo.Minung men men asi ko mi Kei mah hi Zei ruang ah dah na hnakar ah na ka tanh I zing chun zan kal tak ko lo hin na ka um hnawh peng Zeiruang ah hme Bawipa hi tluk hin na ka dawt I na ka zaang fah I vel na ka ngeih hnga?

A thuk bik mi muih nak horkuang chung ah Kal hmanh ning law Bawipa Zei hmanh ka tih lai lo zei ca tiah nangmah nih na ka um pi na thiangthunh le na tan bo nih ka hna an ka ngam ter! Crd-Biak Hlei Par

Pathian Biakinn Upat A Herh!1Korin 3:16 Pathian biakinn nan si kha nan hngalh i Pathian Thlarau nan chung i a um zong kha nan hngalh.

Minung nih kan nunnak ah hin a tthabik siseh ti kan duhmi cu kan biaknak he a pehtlai mi a si ttheo. Lairam ah kan kal tik ah khua pakhat chung i a tthabik le a nganbik inn cu biakinn a si. Zumtu hna nih kan i zuammi a si. Kan ttanrual tti i kan renhmi a si. A thiang bik zong siseh ti kan duh. A dawhbik zong siseh ti kan duh. Biaknak a ngeimi paoh nih an biaknak hmun cu thianhlim ter an duh.

A thiang mi hmun ah hin lungthin zong a thiang kho ve. A thiangmi hmun kan kal tik zong ah kan ngeihmi lak ah a thiangbik le a ttha bik kha i hruk in kal kan duh. Lairam ah Bawipa zanriah an hman hmasa bik lio kong Dr. East nih hi tin a tttial. Thiang cabuai kan si. Ka ngeihmi lak ah a tthabik mi puan ka khuh. Ka ngeihmi lak ah a thabik mi in kai fam, a ti. Kan biakmi upatnak caah a si.

Paul nih, “Minung kan pum hrimhrim hi Pathian biakinn nan si,” a ti. Kan pumchung ah hin Pathian nih a mahmui kan ken khawhnak hnga ding caah nunnak a kan pek. Nunnak hi Pathian thawchuah hnawhnak thawng in a si. Pathian Thlarau hi a hram thok tein pek kan si. Pathian biakinn kan si. Biakinn hi ka chim cang bang in a thaing hlim ding le kan upat kan hmaizah ding a si.

Kan Pum hi Pathian biakinn a si caah kan upat ding le kan hmaizah ding a si. Kan thian hlaim ter ding a si. Kan ei kan din mi cu kan pum caah a herhmi tirawl le thazaang kan hmuhnak hnga ding caah a si. Eidin a herh hrimhrim ve. Kan eidin mi zong ah kan pum hrawktu a si ding mi cu ei lo ding an si ve ko. Cathiang chung ah eiding le ei loding tampi a ttialmi kan hmuh. Kan zulh khawh lomi zong tampi a um. Zulh khawh ahcun kan ngandamnak caah a ttha deuh ko lai.

A dammi pum chung ah hin a dammi thluak a um, an ti. Kan pum a dam ti lo ahcun kan khauruahmi zeihmanh a tlung kho lo. Kan ruahmi a dam kho lo. Pathian sin thlacam hmanh kan tuah kho tawn lo. Kan pumchung ah a rawk tu a um ahcun kan thluak zong a rawh chih tawn.

Kan biakinn hi nifate in zoh khenh u sih. Thiang Hlimter i zuam u sih. Tthawnter zong i zuam ding a si. Kan pum Pathian biakinn a dam tik ah Pathian lila zong cu ttha tein le lungthin dik lak in kan biak khawh lai. Kan i lawm lai. Pathian nih thluachauh a pek chin lai.Bil Hmung

Be the first to comment

Leave a Reply

Your email address will not be published.


*