Minung hi kan sining cio hi ttha te in chim phuanding a si.

Philhkhawh lo mi Senthang ka Diary.‌Minung hi kan sining cio hi ttha te in chim phuanding a si. Senthang ramchung ah ka tongmi hi ka sining taktak hi chim le phuan hi a caan a cu ve cang tiah ka ruah. Ka ton mi le ka boruak a tawinak in. Ralzam in Phaipha (B) ah kaa dor ve.

Khuami nih ngakchia ca chimh ding in an ka chim i el awk an ttha ve lo caah January 11.22 ah khuami dihlak nih dirh in sianginn cu onh kai a rak si. April 9.22 ah first Semester dih a si. July ah Second Semester pehtthan ding a si June 26.22 6:30am Hakha B2 khuami u pa pathum nih Hakha B2 nih Phaipha cu kan uk dih cang fimcawnnak ngandamnak lei zong kan kut cungah a um cang. Cucaah sianginn cu a cunglei (NUG CJDC CNA/ F CDF )nih a minh in CDM pawl Sianginn nan kai ter hna lai tiah an kan ti i an duh lo a si ahcun kan mahnih tuanvo kan lak lai ti a si. Cu long si lo in nan min nan hmatpungttin le nan nu le nanpa min lakin a cunglei report kan in tuah hna lai i nan him ti lai lo. NUG nih bawmhnak an in pe tawn mi hna kha nan ngah ti lai lo.

‌Ralkap lei zong in him lo mipi lei zong in him lo CDM pawl kan ngaihchia hringhran ko. Sianginn aa tthen ding cu ka ruah kho bak lo ngakchia ka zang an fah tuk! Na in ruahnak aakhat lo caah B2 cu Muka tang teah an kai. Zarhkhat chung ttuan zuam lo le hngilh lo in khua zuun ka tuar. MAH uknak duh ve lo ruangah sifah tuar long si lo in ngakchia caah fimthiamnak le ngeihchia chawva tiang zong in kan i pe ko lio ah hibantuk thil kan ton cu a har taktak. Kan minung sinak incun tuar a fak khun ko.

October 11.22 Ruah lo pi in hramhram in tlaih ka tong. Zanmang bang in ka ruah mahzan khuadei sau cu aw ka mit kaa chinh len ko nain khuadei a philh rua. Octbr 12.22 zanlei 5:00 pm ah Biaceih dih in a bia kaa thum nih ka hna a ka ngamh ter tuk mi

‌1) Nangmah kan ton cu kan ton sual bak ‌2) Na hmai kan khap lo kan ngai thiam ko ‌3) kuchin kansa tuk ‌Mahbia te nih hin zangdam te in khuaah a ka kir ter. A dangdang ka sual e sual lo e ka palh e palh lo e ti cu chimlen a hau lo. Na in Minung pakhat hnih duh lonak ka tong ruangah si ti hi a hnuah kaa fiang tthan. Siseh Senthang ciocio ah remnak le daihnak a chuapi khotu a si ahcun mahnak in harsatnak ngandeuh hmanh ton ko hmanh ning ka tuar khawh ko hnga. ..

‌A ka dawtu ka chungkhar ka unau ka hawikom le ka miphun hawi (Zophei) vial te zong hi bantuk thil ka tong hi nan theihah nan lung a fak cio ko lai dah? Hmanseh Pathian nih a kuai cikcek cang mi Senthang miphun caah a bingtalet in remh a duh ruangah a si kho. (Israel miphun nih Gideon cu nang a tthawng i miral ttha pa nangmah nih kan uk tuah nafa le in natu tiang. Gideon nih keimah nih kan uk hna lailo ka fa le zongnih an uk hna lai lo Bawipa tunih an uk hna lai). Bawipa kha na lungchung dihlak in i bochan law nangmah fimnak kha i rin hlah.Crd-Ngon Tum

Be the first to comment

Leave a Reply

Your email address will not be published.


*