Mindat khua hi Minung (30000) hrawng um nak a si i (20000) hrawng cu ralzam nih a arak kiah hna.

Midat Ralzam Minung (9500)Reng Lo Cu Kumkhat Reng Lo Inn Anfuk Kho Ti Lo.

August 17 Chinram Mindat peng chung kahdoh nak ruang i ral azam mi mipi(9500) reng lo kuamkhat reng lo a si hnu tiang mah le Innlum cio anfuk kho rih lo tiah theih a si.

2022 Maythla thawk in SAC ralhrang le mipi ralkap hna kar kahdoh nak ruang ah ral azam mi mipi (20000) deng an rak um tiah ralzam bawmchan tu phu nih cun an chim.

Ahram thawk ah cun eidin siiai hna cu ramdang zong bawmh hal chih a si caah atlamtling ti awk a rak si nain a hnu deuh cun ralhrang nih lampi hna cu an phihkhar leng ah furpi a si caah chambau nak phun phun a um nak kong theih chih a si.

Mindat khua hi Minung (30000) hrawng um nak a si i (20000) hrawng cu ralzam nih a arak kiah hna.A tu dirhmun ah khuami (9500) hrawng cu khuachung ah kirkho rih lo in an tang korih.
Kahdoh nak chungah hliamhma fakngai a ing mi (5) an um leng ah akutkee aa tan mi tamngai an um ,Siiai tlamtlin lo ruang ah hramhkhawh lo in anun nak aliam mi (50)an si tiah theih chih a si.

SAC Ralhrang hna nih Mindat khuachung ah Check hlat nak a phunphun a tu le tu an tuah i CDF he pehtlaih nak nan ngei tiah puh in an tlaih mi (65) an si leng ah thah a tong mi (10) an si i a tu dirhmun tiang ah chekhlat nak an rengh rih caah ralzam hna an kirngamrih lo nak cu a si tiah Zohkhenh nak lei lutlai nih an chim nak cu theih chih a si.

Culeng ah SAC Ralhrang hna nih Mindat peng chung ah Mipi inn (17) meiin an rakkhangh piakhna leng ah inn (100) hrawng cu anhrawh piak hna tiah theih a si.
Ayeyarwaddy_Times LKZ News

Be the first to comment

Leave a Reply

Your email address will not be published.


*