Min min tialnak ahcun Russia le Kawlram hi a rauh hlan ah direct vanlawng a zuang cang lai

Kawlram ah Gold Coin zuar an thawk.Zeiruang ah?Ralhrang nih hmailei ah zeidah aa tinh? Tih a nung ngai ko (pumpak ruahnak)

Nizaan thawk in ralhrang nih sui tangka kiap khat ah sing 29.5 in a zuar i a leng zong ah sui man a tla ve, dollar man a tla, Russia in an cawk mi datsi diesel a phak ahcun thilman pawl caan khat cu a tla lai. (September 4 ah Russia in datsi diesel ton 30,000 a phan chung cang). Dawr ah sui man sing 31 fai a si.

Zeiruang ah dah sui tangka a zuar? Thilman a tlak ding ah maw? Inflation thlak maw a timh hnga? A lenglei dawr i sui man a tlak ding maw aa timh? Sau a nguh kho lai maw?

Khoika sui dah a zuar? Kawlram sui maw Russia sui dah? Russia nih Ukraine a doh hnu ah Russia ram chuah thil pawl zinaan datsi, sui ti bantuk pawl ramdang ah a zuar kho ti lo i Kawlram ah hi sui tangka hi Russia sui test in an zuarter mi hna tah a si kho maw?. A fanu an tlaih i a pa luh an zuar (zuk) zoh ding.

Min min tialnak ahcun Russia le Kawlram hi a rauh hlan ah direct vanlawng a zuang cang lai. Russia in datsi diesel cawk ahcun Singapore i cawk tawnmi rate nak in ton khat ah $250-300 hrawng aa fawi, aa deng deuh i kum khat ah ton nuai 7 import a tuah tik ah dollar in nuai 3,000 hrawng hi phaisa a save khawh lai -Singapore le ramdang in cawknak in.

Russia hi vawlei ah sui a chuah biknak ram hnih thum chung ah aa tel i kum khat ah ton 330 a chuah, nikum ah ton 363 a chuak i an ram ah sui man hi kiap khat ah an phaisa Ruble in sing khat hrawng a si i Kawl phaisa kyat in cun sing 18 fai lawng a si (source:min min).

Russia in datsi diesel cawk a thawk ahcun kum khat ah dollar nuai 3000 hrawng hi ramdang ah cawknak in aa khonh (save) khawh lai i cu phaisa cun Russia ah sui ton 50 maw ton 60 a cawk khawh lai. Cu cun ramchung ah sui hi cuai 20 maw 30 hrawng hei zuar kho sehlaw a tangmi hi India le China ah tanglei lam in va zuar hna sehlaw tam tuk a hlawk lai i aana a hluai tiang a sipuazi a tha lai i saupi a nung kho lai.

Hlawk thum in a hlawk lai, vawlei cung sui man kiap khat ah sing 29.5 asiloah Russia nih a a ttanti hawikom ram (ally) mahameih ram – sin ah informal trade (ngunkhuai pekmi lam si lo in, tanglei lam) sui ah 5% thumh in kan zuar hna lai tiah a ti caah Russia ally a si mi Kawlram caah man fawi in a cawk khawh lai, cun Ruble le Kyat thlen kha 1 Ruble ah kyat 35 in an i ceih lio i hi zong ah a miak ngai lai.

Cu lawng hlah, cu sui ton 50 hrawng cu innpa ram ah tanglei in a zuar ahcun dollar a hring tlap tor a hmuh lai i a leng ah a thlen ve ahcun miak thum (baho baan 2100 ah a leng ah 3,500) cun Kawl phaisa in Russia Ruble cawk than cunticun Russia ah sui va cawk than ti in, i celh sehlaw mangtara hlawk/a miak a hmuh lai i caan saupi a nung kho lai. Mipi caah cun sui le dollar le datsi man pawl le thilman pawl hi a tum lei a panh rih lai, mawtaw le vawlei man fawi mi pawl i celh ah a tha.

Vei zong pa niampa zong a chuahni (nihin) Russia ah va hman pah in EEF timi the Eastern Economic Forum ah a va kai ve, thaizing hi Putin he an i ton kho men tiah Russia tamada Putin i spokesman Yury Ushakov nih a chim tiah BBC nih a tial.

Thla khat ah Kawlram a lutmi tinbaw 50 hrawng ah nai hrawng cu Russia tinbaw a tam ngai i Russia le Kawlram direct flight an thawk ahcun sui man le dollar man a tum lei a panh lai tinak a si. Russia i zinaan kampani pawl Kawlram ah luh i zinaan chuah le chuan ding in lungtlingnak an ngei deng te, atu an i ceih lio. September ni 1 in ramdang mi vial te INGOs le ramdang Company riantuan pawl zong visa extension tuah piak ti lo ding le ramdang mi tourist visa Lawng pek ding, Russia miphun lawng long stay pek ding tiah thawng an thanh, UN ah a tuanmi zong visa an extend piak ti hna lai lo (LaO min a thumi UNOCHA le UNICEF country representative chim lo). 2023 election hlan tiang ramchung ah ramdangmi dawi dih ding in policy an fehter. Tih a nung chinchin ko.

Atu lio sui tangka- gold coin i cawk hi cu a phu tuk lai lo, Russia le Kawlram van lawwng a zuang taktak ah cun sui tampi a lut ko lai i a man a tla lai.Crd-Sui Hingz

Be the first to comment

Leave a Reply

Your email address will not be published.


*