Min Aung Hliang le a ralhrang pawl hi kan tei hna lai maw ti hi i hal caan a si rih lo.

Min Aung Hliang le a ralhrang pawl hi kan tei hna lai maw ti hi i hal caan a si rih lo. An tuahsernak a chiami kan duh lo ruangah ral a thomi kan si. Ral kan thoh cang vekvek cu teinak kan phanh hlan tiang kan doh hna lai ta.

Cucaah Min Aung Hliang le a ralhrang pawl cu kum tam tuk hriamnam he ram a uk mi an si cang caah fawi le bai in tei khawh an si ve lailo. Teinak caah tha tein strategy le planning pawl caan tampi lakin suai ta kan hau ve. Cucaah kan raldohnak hi kum 2-3 menmen ah a dih lai ti i ruah ding kan si lo. Kum 5-10 cu a rau rih kho. A tulio ahcun offensive si rih loin defensive tuin ral kan doh rih. Tlangcung mi dihlak kan lung i rual sehlew fawi tein offensive ral kan tho kho lai i tuan tein ralhrang pawl kan thlak kho ko hna hnga. Cucaah mipi pawl zong kan ralkap hna an cungah lungsau deuh kan hau hlei ah an herhmi tangka phaisa zongin kan dirhkamh zungzal hna an hau.

Ramtha ah ralkap a lutmi pawl cu lahkhah tampi an pek hna hleiah cozah nih benefits tha taktak a pek rih fawn hna. Dawr kip nih discount tampi an pek rih hoi hna. Sihmanh sehlaw kan ralkap pawl cu lahkhah pek, benefits thatha ngah le dawr kip nih discount pek cu chim lo, hi ralkap an luh hnu ah an herhmi vialte anmah tein an i zalh dih hleiah mah le chungkhar cio nih rethei in pi a si rih.

Cucaah kan ralkap pawl zong soiselnak nan ton tikah intuar khawh nak rak kan ngeihpiak hram ulaw mipi pawl zong kha kan ralkap cungah dawtnak taktak ngeih hram hna usih. Mipi zawn ruahnak ngei loin meithal he mi a uktu ralkap belte hna kha cu a tu te hin an meithal chuh in ralkap chungin chuah colh ding an si. Cu lo ahcun kha bantuk minung nih khan ralkap tampi nun cang ziaza (morale & character) a hrawh sual hna lai.

Cun a biapi tukmi cu mitampi nih CDF kha CNF ah khumh colh dih kan duh hna. Hihi kan rush tuk ding a si rih lo. CDF cu aa semka mi an si tikah voivoikhat ah hi bantuk rawl a hakmi hi pek ding an si rih lo. A caan nih minung cu a sersiam bang thil sining nih khat le khat tampi a cawnpiak te ko hna lai. A ho nih dah sa a kah ti kha biapi a si lo, sa kan kah maw titu kha biapi ah a chiah ding kan si rih. Cucaah CNF le CDF hi tahchunh lengmang ding zong a si lo hleiah kei cu a nih hi ka tanh deuh, a nih hi ka tanh lo deuh ti bantuk lungput zong kan ngeih ding a si lo. MAH doh dingin aa thawhmi bu paohpaoh kha a tu lio ahcun thazaang kan pek hna awk a si. USA zong nih Syria le Iran pawl doh nak caah ram chungah hriamtlai pawl pei training le tangka tampi a pek ko hna cu. Cucaah pakhat le pakhat tu kha i hman thiam kan hau. I doh caan a si lo, i bawmh le thazaang i pek caan a si.Credit-Mang Khup Ling

Be the first to comment

Leave a Reply

Your email address will not be published.


*