Midang tangka fir lawng khi fir a si lo, midang ruahnak fir zong khi fir a si.

Plagiarism Plagiarism hi kanmah Laimi sin chim ding cu a sang tuk rih nain tampi chim a hau ko tiah ka ruah caah ka vun nolh.Plagiarism kong hi ka ṭial bal cang.

Plagiarism timi cu midang nih an tuah cia mi thil kha naa lak rianang i nangmag tuah bantuk in na hman khi a si. Fak deuh in kan chim ahcun mithil fir khi a si ko.

Midang tangka fir lawng khi fir a si lo, midang ruahnak fir zong khi fir a si. Ram ṭhangcho ahcun cauk dang chung na relmi ca tlangkhat hmanh ref pek loin exam le paper te pawlah na ṭial sual ahcun cucu plagiarism a si i sianginn kumkhat bar a si.

Europe ram hi an rak fim ko ka ti nak cu thil deu hrim hi a um bak lo. Thil khi a chiat si le a chiat ning tein an i hruk. A ngeimi nih an ngeih ning tein an i hruk. Mah le si khawh tawk te khi hman cio a si ko. A ruang cu midang nih thi deng in le thluak fak tein an ruah i an chuahmi thil va kawpi piak kha an duh lo lengah a tuahmi zong dantat nak tuah ding zulhphung an ngei dih. An phungphai a ṭhat tuk tikah ah kha an phungphai nih khan an ram minung thinlung zong a remh chih. Kawl holh in cun သိက္ခာရှိရှိ le နုင်ငံကြီးသား ပီသ taktak bak khi an si.

Europe ahcun thil ṭuh i tuah cu ning zak tuk a si. A thilri ah si loin midang idea fir chom in sermi thil tha va pek kha ningzak tukah an ruah.

Kan nih Laimi hi fir hleihlei loah lungthin tenau a ngei i kawpi a hmangmi hna kha i zohchun in an tuah cio ko cu ta ti bantuk bia a chuah hi cu hngalhnak leiah kan rak chambau tuk rih bia khi a si ko. Kan ram fimcawnnak a rak niam tuk ca zongah a si.

Cu nak i ka zahpi deuhmi cu a thil a manh lo caah a zai timi bia hi a si. A ngaingai ti ko ahcun kan nih kan thaithawh le zanriah ca thil kan zuar lioah hawidang cu kan mah nih kan cuanh khawh lomi chunmang he thil pipa an tuah timi khi kan i fian lo ca zongah a si.

Kan palhmi remh ding ahcun kan palh ti i theih hmasa khi a hau. A tu cu kan palh ti hmanh kan theih lo lengah kan palh nak a rak kan sawh piak tu minung tu sual kan phawt rih mi hna hi cu kan nai rih lo ti nak a si.

Ram ṭha kan phak tikah hin an sal lawng ṭuan ding cu kan pam tuk. An fimnak te hna zong khi lak i zuam kan hau. သိက်ခာ a ngeimi minung nih thil deu hi an i tuah bak fawn lo. IT chan, chan ṭha kan chuah te hna hi ka ruahnak le pomning cawisan nak caah kan hman ding a biapi tuk.

Minung cu a thei cia in kan chuak cio lo. Kan theih bal lomi thil an chim tikah a si tak dara timi lungput ngeih a hau. Kan theih bal lomi thil kha kan cohlan khawh colh lo hmanhah a palh tiah bia kan khiah lo a biapi tuk fawn.Crd-Lainu Dawtu Aa Bor

Be the first to comment

Leave a Reply

Your email address will not be published.


*