Maw Malaysia Ramtang ah phungninglo khuasa minung 67 tlaih an tong

Maw Malaysia Ramtang ah phungninglo khuasa minung 67 tlaih an tong

Malaysia Negeri Sembilan ramthen Nilai lamthur in meng khat hrawng a hlatnak ramtang tupi chung ah phungning khua asami minung 67 Negeri Sembilan Immigration nih February 2 zinglei suimilam 1:30 hrawng ah an luhhnawh hna i minung 67 an tlaih hna tiah Malaysia thawngzamh ca New Strait Times nih a tial.

Hi phungninglo khua asami nih sianginn cacawnnak (school) zong an tuah i an cawnmi ca hi Malaysia ram innpa pakhat nih an hmanmi fimcawnnak ca (syllabus) asi tiah an chim. Keimah ka ruahnak ah Singapore nih an hmanmi ca si men lai. Malaysia ah ralzaam community cacawnak sianginn nih a tambik an hmanmi hi Singapore cawcawnmi hi si deuh tawn.

Hi an tlaihmi hna ahhin ngakchia thla 2 in kum 70 karlak an i tel: pa upa 11, nu upa 20, pahngakchia 20 le nuhngakchia 16 an si tiah an chim. Cun hi hna hi Immigration Camp (Lenggeng Camp) ah an kalpi hna tiah an chim.

Khoika rammi zei miphun ti bal an chim lo. Zei identity document hmanh an neih lo caah keimah ka ruahnak ah Rohingya ralzaam an si lai tiah ka ruah. An umnak ah hriamnam le vainam tibantuk hna zong an i chiah tiah zong an chimchih.Ceumi Lian

Kawthoung ah Pyusawhtee hruaitu chang PDF nih an kahthah i meithal le zenthong an laak. Tanintharyi ramthen, Kawthoung peng, Khamaukkyi pengthen ah Pyusawhtee Hruaitu Chang a si mi San Tin cu PDF nih thi lak in an kah i M16, A1 meithal zun hnih le zenthong zong an laak khawh tiah Kawthoung peng rammi rungvengtu phu in tuanvo ngei pakhat nih a chim.

Nizan February 1, zinglei suimilaam 6:20 tluk ah Khamaukkyi pengthen, Marran khua ah a um mi Pyusawhtee Hruaitu Chang San Tin cu a umnak inn ah Kawthoung rammi rungvengtu phu nih thi lak in an kah. M16 le A1 meithal zun hnih, zenthong bawm pakhat, zenthong 28 le nam pathum an laak khawh tiah theih a si.

Kahthah a tong mi Pyusawhtee San Tin ruak laak ding ah motor ngan pahnih in a ra mi ralhraang 60 tluk cu Palatkwa hlei pawng ah PDF nih bomb an puah hna i ralhraang 8 an thi, a dang 6 hma an pu tiah theih a si.

Hi kahdohnak hi Kawthoung peng rammi rungvengtu phu nih tuah mi a si i Kawthoung peng rammi hna he pehtlaihnak a um hrimhrim lo tiah hriam tlai phu nih a langhter. TheHakhaPost