Maw ka thin.Kum 120 leng a upami Khrihfa biakinn SAC ralhrang nih ciam lak in an khangh

Maw ka thin.Kum 120 leng a upami Khrihfa biakinn SAC ralhrang nih ciam lak in an khangh

January 15, The Chin Journal
Sagaing ramthen, Ye-U peng chung ah a ummi kum 120 leng a upami Khrihfa biakinn cu nizaan January 14 le nihin January 15 ah SAC ralhrang nih ciam lak in an khangh, tiah Western News le BBC nih an tial.

Biakinn an khanghmi hi Ye-U peng, Chanthar khua ah a ummi a si. Cu khua ah a ummi Buddhist sianginnpi zong SAC ralhrang nih an ngan lo — an khangh dih ve pin ah Buddhist milem pawl zong SAC ralhrang nih zohdawh lo ngai in an pemh an virh dih hna.

Khuami pakhat nih, “Nihin zing ah biakinn telh in inn vialte an khangh dih. Atutan hi a voi 4nk kan khua an khangh a si. Inn 600 leng an ciam dih cang,” tiah a chim.

Biakinn le Buddhist sianginn telh in khuachung inn vialte a khaangtu hi SAC ralhrang le an hnuzul Pyosawhti ralhrang pawl an si, tiah khuami nih an chim.

Chanthar khua hi kan hnu July 2021 thawk in khan SAC ralhrang nih an rak khangh lengmang cang i, atu a voi 4nk an khangh ah hin cun khuachung in vialte an ciam dih cang, tiah khuami nih an chim.Source: -Western News
-BBC chinjournal

Twitter မှာ ချင်းပြည်နယ်အတွင်း လူ့အခွင့်အရေးချိုးဖောက်မှုနှင့်သက်ဆိုင်သည့် သတင်းတိုများကို ချင်းဂျာနယ်က အင်္ဂလိပ်လို နေ့စဉ်တင်ပေးပါသည်။

Be the first to comment

Leave a Reply

Your email address will not be published.


*