Chin ramkulh, Matupi peng Tingsii(တိန်ဆီးရွာ) khuami Salai Ha Kar Lian(ဆလိုင်း ဟာကာလျန်း) cu Nohawng 5 ah SAC ralhrang hna nih an tlaih i an thah tiah theih a si.
Salai Ha Kar Lian cu kum 24 lawng a si rihmi mino te a si. Chai in vapel ah ramlak a kalnak ah SAC ralhrang hna nih an tlaih i an thah hi a si tiah theih a si.Source- Vazu news
Wetlet – Shwebo Motor Lampi Ah SAC Ralkap Bomb Puahhnawh An Tong, 10 An Thi.Sagaing ramṭhen, Wetlet le Shwebo kar ah SAC ralkap motor cu tualchung hriamtlai phu nih February ni 4, ah bomb puahhnawh in an doh hna caah SAC ralkap 10 an thi, hliamhm tuar an tam tiah theih a si.
Minung thazaang 20 hrawng nih zulhmi SAC ralkap ke 12 ngei motor cu tualchung hriamtlai phu nih February ni 4, zinglei suimilam 8:00AM ah hmun hnih in bomb puahhnawh an si. SAC ralkap 10 hrawng an thi, hliamhma tuar zong an um. Bomb puahhnawh in kan doh hna caah motor cung in an ṭum i an kan kah ve nain kanmahlei hliamhma tuarnak um loin hnu kan tolh kho tiah Buffalo Soldiers Freedom Force (SBLDF) phu hruaitu Bu Kway Kyi nih a chim.
SAC ralkap doh ding ah chunzan in timhtuahnak kan ngei, SAC ralkap nih tualchung mipi hna cung ah tlaihkhih le hremnak an tuah leng ah innlo an khanghmi vialte caah an tuar ve ding in kan tuah khawhnak lam in kan doh lai tiah a chim chap.
SAC ralkap hna cu Buffalo Soldiers Freedom Force, Tawkyikan tualchung htiamtlai phu, Hero Brothers Gueallia Force le Shwebo Defence Force(SBLDF) sakhan 1, ṭatkhuai 11 phufonh hna nih an kahdoh hna tiah theih a si.Ayeyarwaddy Times The Chin Post
Leave a Reply