Matupi Peng Kala Le Walantae Khua Cu SAC Ralkap Khanghnak In Inn 46 A Ciam

Matupi Peng Kala Le Walantae Khua Cu SAC Ralkap Khanghnak In Inn 46 A Ciam

Chin ramkulh, Matupi-Paletwa lam cung um Thaeboi sakhan ah riahcaw chanh dingin Matupi in a chuakmi SAC ralkap 150 hrawng cu CDF – Matupi nih atu le atu an kah hna caah SAC ralkap 73 an thi cang i, CDF-Matupi in ralkap 1 hliamhma a pu ve, tiah theih a si.

Cu pin ah Matupi khua in SAC ralkap nih, kuli an phurhter mi ke 10 ngei leilawng pakhat zong CDF-Matupi nih bomb in an puahhnawh, tiah theih a si.

SAC ralkap a thimi an tam caah an ing a puan lung in Kala le Walan khua an khangh caah inn 46 a ciam. April ni 3, lio zong ah facang chiahnak rawlbuk 2 zong an khangh. SAC ralkap an kalnak ding lamthluan kip ah kelamh bomb kan hmanh dih hna, tiah CDF-Matupi ralkap pakhat nih a chim.

Kahdohnak caan a sau cang caah ralhrial mi hna cu tiva ti a luangmi an din ruang ah chungtlik in a zawmi an karh ngai cang. An khua va kir ṭhan zong ah umnak inn an ngei ti hna lo, tiah theih a si.

Matupi peng chung ah zeitik caan paoh le khoika hmun paoh ah kahdohnak a chuak kho ṭhanmi a si, tiah CDF-Matupi nih cathanh an chuah.The Chin Post