Matupi Khuachung Ah SAC Vanlawng A Ṭum!

Nihin September 3 zinglei suimilam 10 hrawng ah SAC vanlawng pakhat a ṭum, Matupi hrambunh SAC ralkap hna nih emergency gate an chiah i, security an lakpiak hna tiah theih a si.

A hlan i rank ai thlengmi le thongtla cheukhat ṭhialkamnak le sianginn herhhai pawl ca ah an ra, tiah theih a si. Vanlawng cu Matupi-Hakha lam, battalion 104 SAC sakhan ah aa din, tiah khuami hna sinin theih a si.

September 1, 2022 zaanlei ahkhan Matupi khuachung ah SAC nih hriamngan an thlak. Cu hriamngan an thlak hnu cun, SAC ralkap hna cu an sakhan ah um loin hmunkip ah an i chawk. Matupi Siangsangrun number 2 sianginn thlang zong ah gate an chiah i khuate lei kir aa timmi cheukhat hna zong lam a phih hna, tiah khuami hna nih an chim.Crd-The Chin Post

Thawngtha Chimnak Philip Simelvise cu 1818 nutung tampi an rak thih cuahmah lio ah a chuak mi a si. Hi lio chan ah naungei nutung paruk ah pakhat paoh cu an thi. Naungei mi hna an thih lengmang nak kong hngalh a duhnak nih sibawi a siter.

A hmuhmi cu taklinh phunkhat (Childbed fever) nih a thither hna. A ruang a kawl tikah sibawi te hi rian i an rak rat tikah, mizaw a zual mi an zoh hmasa hna cun, mithi khan ah an kal. An kut ah zawtnak ruangrul a rak kai ti an hngal lo, kut ṭawl lo in naungeimi khan ah an va kal tikah naungei kaa mi nutung pawl cu an rak thih lengmangnak a si. Cu caan thawk in a kut aa ṭawl, a ṭuanhawi hna zong kut ṭawl ding a chimh hna.

Hmakhat te ah naungeimi nu thih kha a zor, lawng siloin mizaw dangdang an thihning zong a zor saumau. Sibawi tampi nih mah kut tawl kong kha an ceihphai ngai. Simelvise nih sibawi tonnak meeting ah a ṭuanhawi hna cu a chimh mi hna cu “Mah taklinh zawtnak hi kan ven khawhnak dingah kut ṭawl a ṭha bik, kut ṭawl kong kan ceihphai lio ah mizaw an thi cuahmah ko. Nihin ahhin vawlei pi hnin u tiah kan fial hna lo, kut tawl kan fial ko hna. Pathian min tein nan kut i tawl u,” a ti.

Asinain micheu nih cun an rak nih sawh. Catial tu nih a chapchih mi cu kan bawipa Jesuh Khrih nih Khrihfabu a kan chimh cuahmah mi cu, “A biapibik a silomi kong chim ah na rian a tamtuk, na chim cuahmah lio ah vawlei pi cu a thi cuahmah ko,” ti hi a si cun Khrihfabu caah abiapi bik mi cu Jesuh Khrih thawngtha chim hi a si zeicatiah cu thawngtha nih mitampi nunnak atlen khawh i zungzal nunnak aphakpi hna, a ti.

Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai?(Rom 10:14).Mah Azi

 

Be the first to comment

Leave a Reply

Your email address will not be published.


*