Matupi ah SAC ralhrang 100 hrawng an kai caah kahdohnak a fak

January 15, The Chin Journal
CDF-Matupi Battalion (2) nih an humhakmi hmunhma lei ah SAC ralhrang thazaang 100 hrawng cu nihin zinglei ah an kai caah kahdohnak a fak, tiah theih a si.

CDF-Matupi Battalion (2) tuanvo ngeitu pakhat nih, “Nihin zinglei sml. 9:00 hrawng in kahdohnak a chuak. SAC ralhrang 4 hrawng an thi tiah theih a si nain ralram ah a ummi hna he pehtlaihnak kan ngeih khawh rih lo caah fehter khawh a si rih lo. Atu zong kahdohnak a fah liopi a si,” tiah Kawl thawngzamhnak Ayerrawaddy Times ah a chim.

SAC ralhrang nih thazaang tam tuk in an kal hnawh hna caah CDF-Matupi ralkap pawl hi bawmhnak pek zong an herh, tiah a langhter chap.

Matupi peng chung phone line a ngah lo caah ralram sining theih a har tiah Matupi tualchung thawngzamhnak Matupi Times nih an langhter.

Burmese CDF-Matupi တပ်ရင်း (၂) ထိန်းချုပ်နယ်မြေမှာ ယနေ့ မနက်ပိုင်း ၉နာရီခန့်ကစပြီး တိုက်ပွဲပြင်းထန်နေတယ်လို့ သိရပါတယ်။ ဖုန်းလိုင်းအခတ်ခဲကြောင့် မြေပြင်အခြေအနေသိရှိနိုင်ရန်ခက်ခဲကြောင်း မတူပီဒေသတွင်းသတင်းတွေကဖော်ပြထားပါတယ်။ chinjournal ပုံစာ။။ CDF-Matupi တပ်ဖွဲ့၀င်များ ဓါတ်ပုံဟောင်းဖြစ်သည်။