Mary nih a man a sung ngaingai mi zihmui cu Jesuh ke ah a tawih.

Mary nih a man a sung ngaingai mi zihmui cu Jesuh ke ah a tawih. Judas Isakariot nih hi zihmui hi tangka 300 ah zuar in mi sifak kha an pek deuh hna awk a si a ti. “ A lo ngai. Lusuk lending khi a si”.

Nain, Pathian bia nih, “ Hi bantuk in bia a chim mi cu sifak kha an zawn a ruah hna caah si loin, mifir rak si kaw, a kenmi tangka bawm chung ah khan a rak i lak lengmang caah a si” a ti diam ko. ( Bia lopi)

Rem lo mi ngeih ruang, mah le mah i cawisan duh ruang ah le a herh huaha lo ah Chin mipi an hnu lei in thaphat tha hau a hmangmi hna hi, thih zong ah hawi thih in kan thi te lai lo.

Vawlei cung mi vanchia bik, Judas Isakariot nak in na van a chia deuh tinak si. Tha tein khua na ruah ah cun nguingui thlak in na tah awk a si.Crd.Khualtlawng Pa

Adang Relchap:Guys From Chin Nih Vaphai Khua Ralzam An Tlawn Hna, Bawmhnak Zong An Pek Kan ram buai ruang ah Mizoram, Champhai District Vaphai khua ah ralzaam in ai dor mi kan Chin miphun hna cu Kawlram chungah hlasak minthang si mi David Lai, Benjamin Sum le Thawng Bawi (Guys From Chin) nih January 17 ah an va tlawn hna i zaan ah hlasaknak (concert) zong an ngeih piak hna pin ah miphun hawi ralzam sin ah an si khawh tawk in bawmhnak zong an pek hna tiah kan theih.

”Tutan an rak rat hnawhchan bik cu ralzam kanmah pawl thazang pek le an kan zohkhenhtu Vaphai khuabawi/ Khua upa hna (VC) le YMA sin ah lawmhnak bia van chim le kan sining van zoh hi asi,An kan zohkhenhtu Vaphai khuami zong an i lawm i kanmah ralzaam zong kan i lawm tuk ” tiah Ralzaam lei upa David Cinzah nih The Chin Post ah a chim.

”Miphun dawtnak in an kan tlawngkai tu Guys From Chin cung ah kan i lawm i kan i lunghmuih Bawipa nih Miphun le ram caah hmangchin ko hna seh tiah thluahchuah kan hal piak hna” tiah a chim chap.The Chin Post