Manipur lei khi kan unau an si ve hnga maw?

A hlan ngai pah cangmi voikhat ah, Neicho Angami an timi Naga nu he kan rak itong. Keimah nak upa deuh a si. Ai dawh lo.

“Naga le Chin le Mizo pawl hi unau kan si tiah upa cheukhat nih an kan chimh, nang zeitin na ruah?” tiah ka rak hal.

“Kan si lai lo,” a ti. Tribal pawl cu kan muisam le kan ruhkhua umtuning khi NE India le NW Burma hrawnghrang khuasa lawng si loin, vawlei dang Mexico tehna i an tribal pawl he kan ilo dih ko hna, a rak ti.

Si pah dawh cu si. Nain, kan holh tete ahkhin ipehtlaihnak tete cu an um hoi cu mu.

Angami timi cu miphun min a si. Naga ram ah cun, Angami pawl an tam cem. Cu Neicho cu Naga si nain, Kala mui a keng deng.

Manipur khi teh kan sahlawh an si hnga maw? Manipur ram chungah khin Mizo holh in a holhmi Hmar phun an um. Lai nih “Mar” kan timi hna khi an si lai dah. Teddim lei holh in a holhmi Kuki an um hoi.

Manipur i an milu tam cem cu Meitei an si. Kawl nih Kathae an ti hna. Meitei tu cu India lei i North East an timi le Myanmar lei i North West tlangpi hrawn hrawng vialte khuasa miphunte tribal pawl lakah a ngan cem an si kho men.

Hlan chan tein siangpahrang an rak ngei. India siangpahrang he ipehtlaihnak an rak ngeih caah siangpahrang sinak cu an rak ser khawh. Cun, Kawl nih an rak tuk bal hna.

An muisam khi a tam deuh cu Kala muisam an keng nain, kanmah he thotho an ruam-aam cu aa lo.

Kan pule chan ah Imphal timi khualipi cu an rak chim ngai. Cu Imphal timi khualipi i chaw a rak let kho lebang Lai paza cem an rak si.

Imphal khualipi ah Meitei cu tam cem an um. A hmun ka phan ve bal lo i zeiti a ruah awk ka thei ve lo.

Pu Lian Uk nih ca a rak ṭial balmi ningah cun, “unau kan si ko” a rak ti. Cu Pu Lian Uk chirhchan cun, keimah zong nih, “Naga le Manipur cu kanmah unau an si” ka rak ti bal ve.

A tanglei nungak pawl hmanthlak le video khi zoh tuah hna u. Manipur nungak lawngte an si.

Lai an lo na ti bak lai. An sexy lo ngang ve khi mu, kanmah Lai nungak pawl bang… 😀 😀 😛 Crd-
Salai C Alexander

Be the first to comment

Leave a Reply

Your email address will not be published.


*