Malaysia UN zungpi khar ding in nawlnak a rak tuahtu hna kha a hring mi phu an pa 2 in an si i.

Kan i fiang ngai a hau mi cu kan hnu lio ah Malaysia UN zungpi khar ding in nawlnak a rak tuahtu hna kha a hring mi phu an pa 2 in an si i. Mah nawlnak a duh lo i hluttdaw ah chuah pi ding in challenge a rak tuahtu hi a sen an si.

A hlei in a hlan ah UN nih chin mi ralzam nan si ti lo an rak kan ti lio ah thazaang pek in a rak kan dirpitu hna kha a sen long te an si. A dang cu bawmh kan rak hal kho hna lo hlei ah UN nawl si ko an rak kan ti chap .

A hlan chin mi chung in thihhlo ngaihchiatnak kan ton lio ah bawmhnak a rak kan pe tu pawl zong a sen thiamthiam an si. Chim ding a tampi mi chung in mah vial te hi si chung ko seh full stop!Crd-Jamse Bawi Thang Bik

BAWIPA Hi Kan Biak Ko Lai!Joshua 24:15 Cun BAWIPA biak kha nan duh lo a si ahcun nihin ni ah hin nan biak ding cu it him u; tiva khat ti lei ral ram ah nan pupu hna nih an biak mi pathian hna maw, a siloah, an ram nan umnak a simi Amor mi hna Pathian hna dah nan it him lai; kei le ka innchungkhar tu nih cun BAWIPA kha kan biak ko lai.

Joshau cauk a donghnak dal 24 hi kan rel tik ah donghnak bia cah bantuk a si. An tuanbia kha a toinak tein a chim than. Hi chung ah hin Abraham le Nohor pa Terah cu: cun pathian dang kha an rak biak hna, ti ah kan hmuh. Pathain dang a ti mi hi siasal an rak biakmi zong a si ko lai.

Abraham chan in BAWIPA biak kha a theih. BAWIPA nih a kawh. A kalnak ding lam kha a chimh. A nunnak ah ttihphannak le harnak tampi a tonmi chung in a kil ven. Harnak chung in a chuah. BAWIPA kha a biak i a chungkahr zong nih BAWIPA kha an biak ve. Abraham, Isak, Jacob, Moses, Joshua tiin Isarelmi hringsortu hna nih an biakmi cu BAWIPA kha a si.

Joshua nih a miphun hna Shekhem ah a pumh hna i a chimhmi hna hi duh zong a nung. Ttih zong a nung fawn. A miphun hna nih a lung a tonlo ruang ah a si kho. Biakawk pathain i thim u, ti ah a ti hna. Nan pupa hna nih tiva ral ah an rak biakmi pathain, a tu ah nan umnak ram mi nih an rak biakmi Amormi hna pathian ah hin nan biakding it him u, ti a si. Amah le a chungkhar nih an biak ding zong fiang tein a chimh hna.

Amor mi cu Kanaan hring sort u a si (Gen. 10:16), Isarel ral an si (Exodus 33:2). Jordan ti va tlang hrang ah an karh (Nam. 13:2-9). Amor mi siasal biaknak ah hin Isarelmi an pial lengmang. Ai khau mi kha Amor mi an ti hna (Joshua 7:7). Amor mi nih an biakmi siasal ho Ahab le Manaseh nih an i cawn (Isaingparhang 21:26, 2Siang.21:11). Amor mi pathian biak cu BAWIPA hlawt le sialsal bia a si. Joshua nih Isarelmi kha it him ding ah a fial hna.

Nihin kan sining zong Joshau nih a ti hna bang in nan biakmi kha i fiang cang u, ti awk te in kan um. BAWIPA Pathian kan biak kan ti, BAWIPA Pathian hi kan sining a kan thleng tu le kan sining a kan cawi sang tu a si ko kan ti ahcun kan i lawm tuk. Kan duh ngai. BAWIPA nih a duhmi le kan sining hi tampi a hlat tawn ko rua ti hi ka ruat ttheo. Khrihfa kan si. Jesuh cu Bawipa a si kan ti. Kan nunnak ah, kan pawcawmnak rian kan ttuannak ah Jesuh lung kan tling hnga maw ti hi ruah lengmang a herh ko.

Joshua nih Isarel mi hna sinah hi bang in a chim tik ah a miphun hna zong nih an zumhnak an fehter tthan. Kan mah zong nih “BAWIPA kha pathian dang biak awk ah kan pial tak naisai lai lo, an ti. BAWIPA hi satan sal kan tannak chung in a kan chauh tu a si. Kan nunnak ah thil ttha tampi thluachuah a kan petu a si. Fanu fapa rosung a kan petu a si. Kan nunnak ah hmelchunhnak lianngan a tuah tu le a kan kilvengtu a si. Kan tuanbia thlengtu a si. Zungzal nunnak coding ah a kan kamhtu le lam a kan hmuh saktu a si.Bil Hmung

Be the first to comment

Leave a Reply

Your email address will not be published.


*