Malaysia Thawngpang chia tuk.Malaysia Ram Ah Myanmar mi 100 Leng An Tlaih Hna!

Jabatan Imigresen, Malaysia ah August ni 9 ah ramleng in phungning loin a lutmi an tlaihmi hna chung in Myanmar mi zeimawzat an i tel, tiah Malaysia Gazette thawngthanhnak nih an langhter.

Malaysia ram Jalan Reko Stop ah ramdang mi 425 cu chekhlatnak an tuah hna i, minung 175 an tlaih hna. Cu chung ah cun pa 132, nu 41 le ngakchia 2 an i tel, tiah theih a si. An tlaihmi hna chung ah hin Myanmar mi 115, Indonesia 33, Bangaladesh 13, Nepal 9, Sri Lanka 4 le India in minung pakhat an si, tiah theih a si.The Chin Post

Zumhnak Hram Jesuh Lawng Lawng!1Korin 3:11 Zeicahtiah Pathian nih Jesuh Khrih lawnglawng cu a hram caah khan a chiah cang i a dang zeihmanh chiah awk ding a um ti lo.

Korin cakuat chung ah Paul nih a chimmi hi duh a nung mi tampi a um. Khat lei ahcun Khrihfabu chung i buainak a chaukmi kong hna a chim ve tikah duh a nunlonak a um ve tthan. Khrihfabu chung ah tthannak a ummi kong hna theih ahhin cun duh a nung lo. Sihamnhsehlaw Khrihfabu chung i tthennak a chaukmi remnak ser ding caah a ruahmi hi duh a nung ve.

Harnak a chuah tik ah hin miaknak a phurh chih ve an ti. Mah maiknak cu harnak le buainak remhthannak ding ah ruahnak tthattha a chimmi hi a si. Korin Khrihfabu hna hi Tthencheunak a um ti a lang. Mah tthencheunak cu an sin ah Pathian bia a rak chimmi hna an minung cung ah a si diam. Apollo hi biachim thiam ngaimi si dawh a si. Paul hi ralttha ngaiin Khrih a ttanhmi le cakaut ttial thiammi a si ve. Khrihfabu chung ah Paul le ttang le Apollo leittang tiin an i thenmi hi a si.

Tthennak chung ah Paul nih a chimmi hi tuzing ah ka relmi zong hi a si. Paul le Apollo hi a ci tuah tu le ti toihtu lawng an si. A tthantertu cu Pathian a si ti zong a chim. Pathian hnatlaknak lawng lawng in thil hi an tthang. Pathian hna tlaknak a tello ahcun zeihmanh hi san an tlai lo ti zong a langhter.

Innsak bantuk in Khrihfabu hi a tahchunh. Innsaknak hram ah lung chiah a si tawn. Cubantuk cun Jesuh Khrih hi Pathian nih kan zumhnak hram caah a chiah cang. Kan zumhnak hi Jesuh Khrih ah hram bunhmi a si. Jesuh Khrih lawnglawng hi kan nih zumhnak hram cu a si awk a si. Peter nih Tlangbawi hna hmai ah khan cathiang tialmi kha Jesuh kong chimnak ah mah ti hin a chim. Inn satu hna nih zeiah an rel lomi lung cu, lungsantlai bik ah a cang,’tiah a timi kha Jesuh hi a si, a ti (Lamkaltu 4:11).

Khrihfa kan zumhnak hi Pathian nih Jesuh Khrih lawnglawng hi innkil lung caah a chiah cangmi a si, ti a si. Innkil lung chia tu cu Pathian, Pa Pathian, Innkil lung ah a hmanmi cu Jesuh Khrih, Fapa Pathain a si. Thiang Thlarau Pathian nih lam a hruai i nihin tiang Pathian sunaprnak caah le a ram kauhnak ding caah thluachuah a pek. Zeidang zeidang hi kan ruah ding a si lo. Jesuh cu Kan zumhnak hram a si. A Nungmi Pathian Fapa, Messiah a si (cf. Mat.16:16).Bil Hmung

Be the first to comment

Leave a Reply

Your email address will not be published.


*