Malaysia-Thailand Ramri Ah Salai Hrang Than Hawl A Nunnak A Liam

Letpanchaung khuami Salai Hrang Than Hawl (30) cu Malaysia le Thailand ramri ah a nunnak a liam, tiah theih a si.

Salai Hrang Than Hawl hringtu a pa Pu Biak Ling nih, “Kan fapa cu pum pawcawmnak ca ah Malaysia lei kal aa thawh i tet tuk in motor an i cit caah a thaw a phih i, Malaysia le Thailand ramri ah a nunnak a liam,” tiah The Chin Post ah a chim.

Hi kong ah Salai Hrang Than Hawl Malaysia a kalnak tawlrel piaktu agent nih, nan fapa a ruak cu nan sin a phanh naklai cu a har ko. Zatuak 100 ah 30 hrawng lawng a fiangmi a si caah i ruahchan tuk hlah u, tiin an kan ti tiah Salai Hrang Than Hawl hringtu a pa nih cun a chim.

Salai Hrang Than Hawl ruak phorhtlunhnak asiloah vuinak kong ah Malaysia le Thailand um lai hritlai hna sinah thih loh a tongmi chungkhar nih bawmhhalnak an tuah.

Pehtlaihnak Pu Biak Ling
Letpanchaung Ph: 09758316961
Crd: The Chin Post

Jesuh Caah A Dang Pakhat
Rick Warren nih a pa kong a tialmi aum. Ka pa cu Pathian rian a ṭuannak kum 50 leng a si cang, khuate pakhat ah pastor a ṭuan. Amah cu pastor sawhsawh a sinain mission ah aa pumpe ngai rili ral ah zumtu mi tlawmte caah Biakinn sakpiak ding kha a

pumpemi hawi le he a ṭuanmi a si. Biakinn 150 hrawng vawlei cung khuaza kip ah an sak cang. 1999 kum ah ka pa cu cancer in a thi. A thihlai zarh ah lungfim bang fim lo bang a um tiang, a chunmang cu a dang Biakinn pakhat sak rih ding a si. Zankhat cu ka pa a dihnak a si cang caah ka fa le, kan nu he a pawng teah kan ṭhut hnawh. Ruah lo piin ka pa cu a huntho i a ṭha a um ti lo caah kan nu nih a zauter. A sinain a thoṭhan , kan nu nih “ Zeidah chimh na kan duh a ti” a lehmi cu “ Jesuh caah a dang pakhat khamh ka duh rih” a ti cucu atu le atu a nolh ṭhan.

Nazi pakhat cungah voi 100 tal cu a chim lai dah. Ka pa pawngah cun ka mitthli he ka ṭhu, Pathian sinah ka kun i hi bantuk zumhnak a ngeimi pa ka ngeih caah lawmhnak ka chim. Cun ka pa nih ka lu cungah a kut a chuan i rianṭuan kho rihding sining law “Jesuh caah a dang pakhat khamh rih ka duh( save one more for Jesus) a ti.    Rick Warren, The Purpose Driven Life (Grand Rapids: Zondervan, 2002), 287.Asi, zumhnak a ngeimi caah cun zei paoh a si kho ko,” (Mk. 9: 23) tiah Jesuh nih a ti.Mah Azi