Malaysia Ah Ramdang Mi 1,000 Leng Tlaih An Tong, Chinmi Tampi An I Tel

Malaysia Ah Ramdang Mi 1,000 Leng Tlaih An Tong, Chinmi Tampi An I Tel

Malaysia ram khualipi Kuala lumpur Jalan Imbi sang ah nizaan January 6 zaan sml 11:00 hrawngah Myanmar rammi hna telh in Bangladesh, Pakistan, Nepal, Indonesia le India rammi 1,051 cu Malaysia Lah Wah Kah le palik nih an tlaih hna, tiah theih a si.

Jalan Imbi sang cu Chinmi Hakha peng minung an tamnak bik hmun a si, tiah theih a si.

An tlaihmi hna chungah 544 hi khualtlawnnak visa a ngei lomi an si pinah visa a dih cangmi hna an si. Cun, phung ning loin Malaysia ram ah a lutmi an si i Immigration upadi ning in kan tlaih hna, tiah Immigration zung nih cathanh an chuah.

Tlaih a tongmi hna cu Bukit Jalil zohkhenhnak sakhan ah an chiah hna lai i, Immigration Act Upadi 1959/63 le Immigration Rule 1963 in checkhlatnak kan tuah hna lai, tiah Immigration(JIM) zung nih cathanh an chuah.The Chin Post