Malaysia ah a ummi kan Chinmi chungin “Thinlung lei damlonak,” a ngeimi nan um sual a si ahcun messenger in pehtlaih khawh ka si.

Thinlung Lei Damlonak (Depression)! Malaysia ah a ummi kan Chinmi chungin “Thinlung lei damlonak,” a ngeimi nan um sual a si ahcun messenger in pehtlaih khawh ka si. I bawmhchanh khawh cio kan zuam hna lai…

A hleice in, Malaysia a phan tharmi na si ahcun UN zung tiangah chimpiak khawhnak (profile) tuah kan in zuampiak hna lai.Thinlung lei damlonak a ngeimi hna nih intuar ning (Symptoms) hna cu a tanglei ah phun 10 in ka langhter lai;

1. Thinphan thlalaunak fak, ttihnak le takpum nih tuar khawh lo lengin lungre theihnak ngeih.

2. Lungre theihnak ngeihmi itheih theng lem lo hmanhah chunglei in damlonak ngeih.3. Lungmit le thabaa lem lo nain thlan chuah hman.4. Hmailei kong fak tukin ruahnak ruangah lungdonghnak nih a chuahtermi temtawnnak ngeih.

5. Thawhchuah har in na um lai, Inn khan bimi le ceilling niammi, a pit thepthupmi chungah um na harh lai.

6. Ka thi rua lai tiah tihnak le lungre theihnak na ngei lai.7. Na thin a tawi lai, mahle mah sual iphawt peng duhnak lungput na ngei lai i ruahchannak ngei lomi bantuk ah na ruah lai.8. Na rawlka thawt a tlau kho, zaan ah ihngilh kho loin na um kho…9. Zei thil na tuah hmanhah lungdong in na um lai.

10. Thinlung lei damlonak a ngei i a zual tuk cangmi hna caah cun mahle mah nunnak ilak (Suicide attemp) tiangin ruahnak an ngei kho.Mah vial lawng hin ka langhter rih lai, thinlung lei damlonak ahcun minung pakhat le pakhat intuar ning aa dang cio lai.Crd-Salai Eric Cenhrang

Be the first to comment

Leave a Reply

Your email address will not be published.


*